ଢେଙ୍କାନାଳ : ପିଡବ୍ଲୁଡି କଲୋନୀରେ ଧଳା ଜହର କାରାବାର । ମାଡି ବସିଲା ପୋଲିସ । ଘଟଣାସ୍ଥଳରୁ ୨୭ ଗ୍ରାମର ବ୍ରାଉନସୁଗାର ଜବତ କରିବା ସହ ୫ ଜଣଙ୍କୁ ଗିରଫ କରିଛି । ସୂଚନା ଅନୁସାରେ, ଉପରୋକ୍ତ କଲୋନୀରେ ଧଳା ଜହର କାରବାର ନେଇ ପୋଲିସକୁ ଖବର ମିଳିଥିଲା । ଲକ୍ଷ୍ମୀବଜାରର ବାପୁନି ଓରଫ ସନ୍ଦୀପ ସ୍ୱାଇଁ ସହ ମିଶି ପୂର୍ତ୍ତ ବିଭାଗର ଜଣେ ଚତୁର୍ଥ ଶ୍ରେଣୀ କର୍ମଚାରୀ କମଳ ଲୋଚନ ନାୟକ ଧଳା ଜହର କାରବାର କରୁଥିଲେ । ପରେ ରେଡ ମାରିଥିଲା ପୋଲିସ ।
ପୋଲିସ ସେମାନଙ୍କ ଠାରୁ ବିକ୍ରି ପାଇଁ ଥିବା ୨୭ଗ୍ରାମ ବ୍ରାଉନସୁଗାରକୁ ଜବତ କରିଥିଲା । ଏହାସହ ବେପାରରେ ବ୍ୟବହୃତ ଦୁଇଟି ବାଇକ, ବ୍ୟାଙ୍କ ଏଟିଏମ, ୪ଟି ମୋବାଇଲ ଓ କଲର ପେପର ଆଦିକୁ ଜବତ କରିବାରେ ସକ୍ଷମ ହୋଇଥିଲା । ଘଟଣାରେ ସମ୍ପୃକ୍ତି ଥିବା ଅଭିଯୋଗରେ ଜଗନ୍ନାଥ ରୋଡର ରାଜେନ୍ଦ୍ର ବରାଳ, ଲକ୍ଷ୍ମୀବଜାରର ସଞ୍ଜୀବ ମହାପାତ୍ର ଓ ଚାନ୍ଦମାରିସାହିର ଚକ୍ରଧର ପାତ୍ରଙ୍କୁ ମଧ୍ୟ ବାନ୍ଧି ଥିଲା ପୋଲିସ । ଗିରଫ ୫ଜଣଙ୍କ ମଧ୍ୟରୁ ବାପୁନି, ସଞ୍ଜୀବ ଓ କମଳ ପେଷାଦାର ଅପରାଧୀ ବୋଲି ଜଣାପଡିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
