ଢେଙ୍କାନାଳ: ବନ୍ୟଜନ୍ତୁ ଶିକାର କରୁଥିବା ଦୁଇ ଶିକାରୀ କାବୁ । ଢେଙ୍କାନାଳ ବନଖଣ୍ଡ ଅନ୍ତର୍ଗତ ଷଢଙ୍ଗୀ ବନାଞ୍ଚଳର କର୍ମଚାରୀ ଏହି ଦୁଇ ଶିକାରୀଙ୍କୁ ଗିରଫ କରିଛନ୍ତି ।
ଶିକାରୀଙ୍କ ଠାରୁ ଦେଢ଼ କିଲୋଗ୍ରାମର ଖୁରିଙ୍ଗ ମାଂସ ଜବତ କରାଯାଇଛି । ଗିରଫ ଦୁଇ ଶିକାରୀ ହେଲେ ଗଁନ୍ଦିଆ ଥାନା ଅନ୍ତର୍ଗତ ଡଲାର ଗ୍ରାମର ଗୌରାଙ୍ଗ ପୂର୍ତ୍ତି ଓ ଜଗନ ମୁଣ୍ଡା । ଉଭୟ ଷଢଙ୍ଗୀ ବନାଞ୍ଚଳର ଅଶ୍ୱଖୋଲା ସଂରକ୍ଷିତ ଜଙ୍ଗଲରୁ ଏକ ଖୁରିଙ୍ଗ ଶିକାର କରି ତାର ମାଂସ କାଟି ବିକ୍ରି କରୁଥିଲେ ।
ବିଶେଷ ସୁତ୍ରରୁ ଖବର ପାଇ ଷଢଙ୍ଗୀ ବନକର୍ମଚାରୀମାନେ ଅଚାନକ ଚଢ଼ାଉ କରି ଉଭୟଙ୍କୁ ଗିରଫ କରିଥିବା ଜଣାପଡ଼ିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
