ଢେଙ୍କାନାଳ: ଘରେ ପଶିଗଲା ବିଶାଳକାୟ ଅଜଗର । ଢେଙ୍କାନାଳ ସହରର ଖମାର ସାହିର ଜଣେ ବ୍ୟକ୍ତିଙ୍କ ଘରେ ୧୨ ଫୁଟର ଅଜଗର ପସିଯାଇଥିବାରୁ ସାପଟିକୁ ଉଦ୍ଧାର କଲା ଉଦ୍ଧାରକାରୀ ଟିମ୍ । ଏହାପରେ ସାପଟିକୁ ସୁରକ୍ଷିତ ଭାବେ ଜଙ୍ଗଲରେ ଛଡାଯାଇଥିବା ସୂଚନା ମିଳିଛି । ସୁଚନା ଅନୁଯାୟୀ ଖମାର ସାହିର ଦେବାଶିଷ ରଥଙ୍କ ଘର ବିତରକୁ ଏକ ଅଜଗର ସାପ ପଶି ଯାଇଥିଲା । ପରିବାର ଲୋକେ ବିରାଟକାୟ ସାପଟିକୁ ଦେଖି ଭୟଭୀତ ହୋଇଯାଇଥିଲେ ।
ଢେଙ୍କାନାଳ ସହରରୁ ୧୨ଫୁଟର ଅଜଗର ଉଦ୍ଧାର
ଏନେଇ ଖବର ପାଇ ବନ୍ୟ ଜନ୍ତୁ ଓ ସାପ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ସାପଟିକୁ ଘର ଭିତରୁ ଉଦ୍ଧାର କରିଥିଲେ । ଉଦ୍ଧାର ପରେ ବନ ବିଭାଗ କର୍ମଚାରୀ ଓ ସାପ ଉଦ୍ଧାରକାରୀ ଦଳ ମିଳିତଭାବେ କପିଳାଶ ରାସ୍ତାର ଭଗବାନପୁର ନିକଟ ଜଙ୍ଗଲ ମଧ୍ୟରେ ସାପଟିକୁ ସୁରକ୍ଷିତ ଭାବେ ଛାଡିଦେଇଥିଲେ ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
