ଦେବଗଡ: ରେଙ୍ଗାଲୀ ଜଳଭଣ୍ଡାରରେ ଅଘଟଣ । ବାରକୋଟ ଥାନା ଅନ୍ତର୍ଗତ ବାଲିରୋଇ ଗାଁ ନିକଟସ୍ଥ ଜଳଭଣ୍ଡାରକୁ ଧୀବରମାନେ ମାଛ ମାରିବାକୁ ଯାଇଥିବା ବେଳେ ଘଟିଥିଲା ଦୁର୍ଘଟଣା । ଝଡତୋଫାନ ଯୋଗୁଁ ଡ୍ୟାମରେ ବୁଡିଯାଇଥିଲା ଡଙ୍ଗା । ଅଗ୍ନିଶମ ବିଭାଗ ଜଳଭଣ୍ଡାରରେ ସର୍ଚ୍ଚ ଅପରେସନ କରି 5ଜଣ ଧୀବରଙ୍କୁ ଉଦ୍ଧାର କରିଥିଲେ ।
ରେଙ୍ଗାଲୀ ଡ୍ୟାମରୁ ନିଖୋଜ ଧୀବରଙ୍କ ମୃତଦେହ ଉଦ୍ଧାର
ସେମାନେ ହେଲେ ମଙ୍ଗଲୁ ପେଣ୍ଠେଇ , ରଜନୀ ପେଣ୍ଠେଇ , ଦୁଖନୁ ପେଣ୍ଠେଇ , ଦଣ୍ଡ ପେଣ୍ଠେଇ , ଭାଗ୍ୟ ପେଣ୍ଠେଇ । ତେବେ ଜଣେ ଧୀବରଙ୍କ କୌଣସି ପତ୍ତା ମିଳିପାରିନଥିଲା । ଆଜି ସକାଳୁ ଅଗ୍ନିଶମ ବିଭାଗ ପୁଣିଥରେ ଜଳଭଣ୍ଡାରରେ ସର୍ଚ୍ଚ ଅପରେସନ ଆରମ୍ଭ କରିଥିଲେ । ବହୁ ଖୋଜାଖୋଜି ପରେ ନିଖୋଜ ହେମନ୍ତ ପେଣ୍ଠେଇଙ୍କ ମୃତଦେହ ଉଦ୍ଧାର କରାଯାଇଛି ।
ଏହି ଘଟଣା ସମଗ୍ର ଅଞ୍ଚଳରେ ଶୋକାକୁଳ ପରିସ୍ଥିତି ସୃଷ୍ଟି କରିଛି ।
ଦେବଗଡରୁ ସରୋଜ କୁମାର ଶତପଥୀ, ଇଟିଭି ଭାରତ
