କଟକ: କାଠଯୋଡ଼ି ପୋଲ ଉପରୁ ନଦୀକୁ ଡେଇଁ ଯୁବକ ମୃତ । ଯୁବକ ଜଣକ ଭୁବନେଶ୍ବର ଖାରବେଳ ନଗର ଅଞ୍ଚଳର ସପନ କୁମାର ବେହେରା ବୋଲି ଜଣାପଡିଛି। ଯୁବକ ଜଣକ ବ୍ରିଜ ଉପରେ ନିଜ ସ୍କୁଟି ରଖି ନଦୀକୁ ଡେଇଁ ପଡିଥିବା ସ୍ଥାନୀୟ ଲୋକଙ୍କ ନଜରକୁ ଆସିଥିଲା। ଏହାପରେ ସେମାନେ ପୋଲିସକୁ ଖବର ଦେଇଥିଲେ । ତେବେ ସୂଚନା ପାଇ ଓଡ୍ରାଫ ଟିମ୍ ଘଟଣାସ୍ଥଳରେ ପହଞ୍ଚି ଯୁବକ ଜଣଙ୍କୁ ଖୋଜାଖୋଜି ଆରମ୍ଭ କରିଥିବା ବେଳେ, ଏବେ ତାଙ୍କର ମୃତଦେହ ଉଦ୍ଧାର କରାଯାଇଛି ।
କାଠଯୋଡ଼ି ପୋଲ ଉପରୁ ଡେଇଁ ଯୁବକ ମୃତ, କାଲିଠୁ ଥିଲେ ନିଖୋଜ
ସେପଟେ ଗତକାଲି ରାତିରୁ ଯୁବକ ଜଣକ ମଦ୍ୟପାନ କରି ନିଖୋଜ ଥିବା ନେଇ ଖାରବେଳନଗର ଥାନାରେ ଅଭିଯୋଗ କରିଥିଲେ ପରିବାର ଲୋକେ । ତେବେ ଆଜି ସକାଳୁ କାଠଯୋଡି ପୋଲ ଉପରୁ ତାଙ୍କ ସ୍କୁଟି ମିଳିଥିଲା । ତେବେ କେଉଁ କାରଣରୁ ଯୁବକ ଜଣକ ନଦୀକୁ ଡେଇଁଲେ, ତାହାର ତଦନ୍ତ ଜାରି ରଖିଛି ପୋଲିସ।
କଟକରୁ ନାରାୟଣ ସାହୁ, ଇଟିଭି ଭାରତ
