କଟକ: ବିଦ୍ୟୁତ ଦର ବୃଦ୍ଧି ନେଇ ତେଜୁଛି ରାଜନୈତିକ ଆନ୍ଦୋଳନ । କୋଭିଡ ମହାମାରୀ ସମୟରେ ବିଦ୍ୟୁତ ଦରବୃଦ୍ଧିକୁ ବିରୋଧ କରିଛି କଂଗ୍ରେସ । ଏନେଇ ଆଜି(ମଙ୍ଗଳବାର) କଟକ ରାଣୀହାଟ ନିକଟସ୍ଥ ଇଲେକ୍ଟ୍ରି ଅଫିସ ସାମ୍ନାରେ ଜୋରଦାର ଆନ୍ଦୋଳନ କରିଛନ୍ତି କଂଗ୍ରେସ କର୍ମୀ ।
ବିଦ୍ୟୁତ ଦର ବୃଦ୍ଧି ନେଇ ଗର୍ଜିଲା ଯୁବ କଂଗ୍ରେସ
କୋରୋନା ମହାମାରୀ ସମୟରେ ପେଟ୍ରୋଲ ଡିଜେଲ ଦର ବୃଦ୍ଧି, ରନ୍ଧା ତେଲର ଦରବୃଦ୍ଧି ଲୋକଙ୍କୁ ସିଧାସଳଖ ସମସ୍ୟାର ସମ୍ମୁଖୀନ ହେବାକୁ ପଡୁଛି । ଏବେ ବିଦ୍ୟୁତ 30 ପଇସା ଦର ବୃଦ୍ଧିକୁ ବିରୋଧ କରିଛି ଯୁବ କଂଗ୍ରେସ । ଯାହାକୁ ବିରୋଧ କରି ଅଫିସ ଫାଟକକୁ ଧସେଇ ପଶିବାକୁ ଉଦ୍ୟମ କରିଥିଲେ କର୍ମୀ । ତେବେ ଘଟଣାସ୍ଥଳରେ ମଙ୍ଗଳାବାଗ ଥାନା ପୋଲିସ ପହଞ୍ଚି ସ୍ଥିତି ଆୟତ୍ତକୁ ଆଣିଛି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
