କଟକ: ନିର୍ବାଚନକୁ ନେଇ ସରଗରମ ସିଲଭର ସିଟି କଟକ ରାଜନୀତି। ସାଧାରଣ ଲୋକଙ୍କ ପାଖରେ ପହଞ୍ଚି ସେମାନଙ୍କର ସମର୍ଥନ ହାତେଇବା ଲାଗି ବିଭିନ୍ନ ଦଳର ପ୍ରାର୍ଥୀ ପ୍ରାଣମୂର୍ଚ୍ଛା ଉଦ୍ୟମ ଚଳାଇଛନ୍ତି । ଏଥିରୁ ବାଦ ପଡିନାହିଁ ସହରରେ ଅବସ୍ଥିତ ଥିବା କଟକ ବାରବାଟି ବିଧାନସଭା ଆସନ। ଆସନ୍ତା 23 ତାରିଖରେ ଏହି ଆସନ ପାଇଁ ହେବାକୁ ଯାଉଛି ଭୋଟଗ୍ରହଣ। ଏଥିପାଇଁ ପ୍ରଶାସନିକ ସ୍ତରରେ ସମସ୍ତ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି।
ନିର୍ବାଚନକୁ ଦୃଷ୍ଟିରେ ରଖି ତିନି ପ୍ରମୁଖ ଦଳ ସେମାନଙ୍କ ପ୍ରାର୍ଥୀ ଘୋଷଣା କରି ସାରିଛନ୍ତି। ବିଜେଡିରୁ ଦେବାଶିଷ ସାମନ୍ତରାୟ, କଂଗ୍ରେସରୁ ମହମ୍ମଦ ମୋକିମ ଏବଂ ବିଜେପିରୁ ସମୀର ଦେ ପ୍ରାର୍ଥୀ ଭାବେ ନିର୍ବାଚନରେ ଅବତୀର୍ଣ୍ଣ ହୋଇଛନ୍ତି। ସବୁ ଦଳ ସ୍ଥାନୀୟ ସମସ୍ୟାକୁ ପ୍ରମୁଖ ନିର୍ବାଚନୀ ପ୍ରସଙ୍ଗ ଭାବେ ଗ୍ରହଣ କରି ଭୋଟରଙ୍କ ସମର୍ଥନ ହାତେଇବାରେ ଲାଗି ପଡିଛନ୍ତି ।
ଭିଡିଓ ସୌଜନ୍ୟ: ସମ୍ବାଦତାତା , କଟକ
କଟକରୁ ନାରାୟଣ ସାହୁ, ଈଟିଭି ଭାରତ
