କଟକ: ବିଜୟ ହଜାରେ ଟ୍ରଫିରେ ଓଡ଼ିଶା ପୁଣି ଚାଖିଲା ପରାଜୟ ସ୍ବାଦ । ବିପକ୍ଷ ଉତ୍ତରପ୍ରଦେଶ ଠାରୁ 5 ୱିକେଟରେ ପରାସ୍ତ ହୋଇଛି ଟିମ ଓଡିଶା । ପୂର୍ବ ମ୍ୟାଚରେ ବରୋଦା ନିକଟରୁ 9 ୱେକେଟରେ ପରାସ୍ତ ହୋଇଥିଲା ଟିମ ।
ଟସ ଜିତି ଉତ୍ତରପ୍ରଦେଶ ଓଡିଶାକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା । ପ୍ରଥମେ ବ୍ୟାଟିଂ କରି ଓଡିଶା ନିର୍ଦ୍ଧାରିତ 50 ଓଭର ଖେଳିବାରେ ଅସମର୍ଥ ହୋଇଥିଲା । 41 ଓଭରରେ ସମସ୍ତ ୱେକେଟ ହରାଇ 128 ରନ କରିଥିଲା ଟିମ । ଦଳ ପକ୍ଷରୁ ଅଧିନାୟକ ଶୁଭ୍ରାଂଶୁ ସେନାପତି ସର୍ବାଧିକ 31 ରନ କରିଥିବା ବେଳେ ଅନ୍ୟ କୌଣସି ଖେଳାଳି ଆଖିଦୃଶିଆ ପାଳି ଖେଳି ପାରିନଥିଲେ ।
ତେବେ ଧାର୍ଯ୍ୟ ଲକ୍ଷ୍ୟକୁ ମାତ୍ର 29 ଓଭରରେ 5 ୱେକେଟ ବିନିମୟରେ ହାସଲ କରିଥିଲା ଉତ୍ତରପ୍ରଦେଶ ଦଳ । ଦଳ ପକ୍ଷରୁ ଉପେନ୍ଦ୍ର ଯାଦବ ସର୍ବାଧିକ 31 ରନ କରିଥିଲେ । ସେହିପରି ପ୍ରିୟମ ଜର୍ଜଙ୍କ 28 ରନ ଅକାଶଦୀପ ନାଥଙ୍କ 23 ରନ ସ୍କୋର କରିଥିଲେ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
