କଟକ: ପୋଲିସ ହାତରେ ଧରାପଡିଲେ ଲୁଟେରା । କଟକ ସୂତାହାଟ ଅଞ୍ଚଳରୁ ଗିରଫ ହେଲେ 2 ଦୁର୍ବୃତ୍ତ । 5 ଲକ୍ଷରୁ ଊର୍ଦ୍ଧ୍ବ ଟଙ୍କାର ଗହଣା ଚୋରି ନେଇ ହୋଇଥିଲା ଅଭିଯୋଗ । ସେମାନଙ୍କ ମଧ୍ୟରୁ ଜଣେ ନାବାଳକ ଥିବା ନେଇ ପୋଲିସ ସ୍ପଷ୍ଟ କରିଛି ।
ସୂଚନା ଅନୁସାରେ, ସୂତାହାଟ ଅଞ୍ଚଳରେ ରହୁଥିବା ସେଖ ଜାଭେଦ 7 ତାରିଖ ଦିନ ଘରେ ନଥିଲାବେଳେ ସେହିଦିନ ମଧ୍ୟରାତ୍ରିରେ କିଛି ଦୁର୍ବୃତ୍ତ ତାଙ୍କ ଘରେ ପଶି 5 ଲକ୍ଷ ଟଙ୍କାର ସୁନା ଅଳଙ୍କାର ଲୁଟି ନେଇଥିଲେ ।
ଏହାବ୍ୟତୀତ 50 ହଜାର ଟଙ୍କା ଲୁଟ ହେବା ନେଇ କ୍ୟାଣ୍ଟନମେଣ୍ଟ ଥାନାରେ ଏତଲା ମଧ୍ୟ ହୋଇଥିଲା । ତେବେ ଏହି ମାମଲାରେ ଉଭୟଙ୍କୁ ଗିରଫ କରିଛି ପୋଲିସ । ତେବେ 2 ଜଣଙ୍କ ମଧ୍ୟରୁ ଜଣେ ନାବାଳକ ରହିଛି । ତେବେ ଗିରଫ ସମୟରେ 4 ଲକ୍ଷ 50 ହଜାର ଟଙ୍କାର ସୁନା ଗହଣା ଜବତ କରିଛି ପୋଲିସ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
