କଟକ: ଚଳିତ ବର୍ଷ ଦଶହରାରେ ସହରର ସବୁ ପୂଜା ମଣ୍ଡପ କିଛି ନା କିଛି ଭିନ୍ନ କାର୍ଯ୍ୟକ୍ରମର ଆୟୋଜନ କରିଛନ୍ତି । ଏହି କ୍ରମରେ ଖାନନଗର ପୂଜା ମଣ୍ଡପ ପଲିଥିନ ବ୍ୟବହାରକୁ ନେଇ ସଚେତନ ବାର୍ତ୍ତା ଦେଇଥିବାବେଳେ ଦୋଳମୁଣ୍ଡାଇ ହରିପୁର ପୂଜା ମଣ୍ଡପରେ ଟ୍ରାଫିକ୍ ସଚେତନତାକୁ ନେଇ ବାର୍ତ୍ତା ପ୍ରଦାନ କରାଯାଇଛି ।
ପୂଜା ମଣ୍ଡପରେ ଟ୍ରାଫିକ ସଚେତନତା ବାର୍ତ୍ତା
ଗାଡି ଚଲାଇବାବେଳେ ହେଲମେଟ ବ୍ୟବହାର କରିବା, ଦ୍ରୁତ ଗତିରେ ଗାଡି ନଚଳାଇବା ଭଳି ସଚେତନ ବାର୍ତ୍ତା ଦିଆଯାଇଛି । ଏପରିକି ଟ୍ରାଫିକ ନିୟମକୁ ମାନିବା ଓ ନିଜ ଜୀବନକୁ ସୁରକ୍ଷିତ ରଖିବା ଇତ୍ୟାଦି ବାର୍ତ୍ତା ପ୍ରଦାନ କରିଛି ଏହି ମଣ୍ଡପ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
