କଟକ: ଆଜି ହାଇକୋର୍ଟରେ ହୋଇପାରେ ଆତଙ୍କ ଖେଳାଇଥିବା ସାଇକୋ କିଲର ନାରାୟଣ ସାହୁର ଶୁଣାଣି । ଟ୍ରିପଲ ମର୍ଡର ଘଟଣାରେ ପୋଲିସ ନାରାୟଣକୁ ଗିରଫ କରିଥିଲା । ଗତ 23 ତାରିଖରେ ଓଏମପି ଛକ ନିକଟରେ 2 ଜଣକୁ ହତ୍ୟା ଘଟଣାରେ ମୁଖ୍ୟ ଅଭିଯୁକ୍ତ ଥିଲା ନାରାୟଣ । ତେବେ ପ୍ରତିଶୋଧ ପରାୟଣ ହୋଇ ନାରାୟଣ ସେମାନଙ୍କୁ ଶୋଇଥିବା ସମୟରେ ହତ୍ୟା କରିଥିବା ପୋଲିସ ସୂଚନା ଦେଇଥିଲେ।
ସୂଚନାଯୋଗ୍ୟ, କଟକରେ 24 ଘଣ୍ଟାରେ 3 ଜଣ ଶ୍ରମିକଙ୍କ ହତ୍ୟାକାଣ୍ଡ ପରେ ଅଭିଯୁକ୍ତଙ୍କୁ ଗିରଫ ପାଇଁ ପୋଲିସ ଜାଲ ବିଛାଇ ଥିଲା। ଜଣେ ଅତିରିକ୍ତ ଏସପି ଓ ଜଣେ ଡିଏସପିଙ୍କ ନେତୃତ୍ବରେ ଏକ ଟିମ ଗଠନ କରି ତଦନ୍ତ ଆରମ୍ଭ ଆରମ୍ଭ କରିଥିଲା ପୋଲିସ ।
ଅଭିଯୁକ୍ତ ହତ୍ୟାକାଣ୍ଡରେ ବ୍ୟବହାର କରିଥିବା ଏକ ଟାଙ୍ଗିଆକୁ ପୋଲିସ ଜବତ କରିଛି। ଅନ୍ୟପଟେ ନାରାୟଣର ପତ୍ନୀ ତାଙ୍କ ପତିଙ୍କୁ ଫସାଇ ଦିଆଯାଇଥିବା କହିଥିଲେ ।
କଟକରୁ ନାରାୟଣ ସାହୁ, ଇଟିଭି ଭାରତ
