ନିଆଳି : ତିନ ଅନ୍ତଃଜିଲ୍ଲା ଡକାୟତ ଗିରଫ । ନିଆଳି ଥାନା କପାଶି ଗାଁରେ ଥିବା ଏକ ଫାଇନାନ୍ସ କମ୍ପାନୀର ଏଜେଣ୍ଟଙ୍କ ଠାରୁ ୱାଉପଲି ଠାରେ ଟଙ୍କା ଲୁଟ କରି ଫେରାର ହୋଇଥିବା ତିନିଜଣ ଦୁର୍ବୃତ୍ତଙ୍କୁ ଆଜି ପୋଲିସ ଗିରଫ କରିଛି । ଏହାସହ ସେମାନଙ୍କ ଠାରୁ 30 ହଜାର ଟଙ୍କା ସହ ବିଭିନ୍ନ ମାରଣାସ୍ତ୍ର ଓ ଡକାୟତିରେ ବ୍ୟବହୃତ ଗାଡ଼ିକୁ ଜବତ କରିବାରେ ପୋଲିସ ସଫଳ ହୋଇଛି ।
ତିନ ଅନ୍ତଃଜିଲ୍ଲା ଡକାୟତ ଗିରଫ : ନଗଦ ଟଙ୍କା, ଅସ୍ତ୍ରଶସ୍ତ୍ର ଓ ଗାଡ଼ି ଜବତ
ଗିରଫ ତିନିଜଣ ଡକାୟତଙ୍କ ନାମରେ ବିଭିନ୍ନ ଜିଲ୍ଲାର ଥାନାରେ ଏକାଧିକ ମାମଲା ଥିବା ପୋଲିସ ସୂଚନା ଦେଇଛି । ତିନି ଡକାୟତଙ୍କ ମଧ୍ୟରୁ ଜଣେ ନିଆଳି ଥାନା ଅଞ୍ଚଳର ହୋଇଥିବା ବେଳେ ଆଉ ଦୁଇ ଜଣ ପୁରୀ ଜିଲ୍ଲା ନିମାପଡ଼ା ଥାନା ଅଞ୍ଚଳର ବୋଲି ସୂଚନାରୁ ପ୍ରକାଶ । ଅଭିଯୁକ୍ତମାନେ ବଡ଼ ଧରଣ ଲୁଟ ପାଇଁ ଯୋଜନା କରୁଥିବା ବେଳେ ପୋଲିସ ସେମାନଙ୍କୁ କାବୁ କରିଥିଲା । ତେବେ ଡକାୟତି ଘଟଣାରେ ସମ୍ପୃକ୍ତ ଅନ୍ୟ ସହଯୋଗୀଙ୍କୁ ତୁରନ୍ତ ଗିରଫ କରାଯିବ ବୋଲି ପ୍ରେସମିଟରେ ସୂଚନା ଦେଇଛନ୍ତି କଟକ ସଦର ଏସଡିପିଓ ।
ଇଟିଭି ଭାରତ, ନିଆଳି
