କଟକ: ପ୍ଲାଟଫର୍ମ ଟିକେଟ ମୂଲ୍ୟ ବୃଦ୍ଧି ନେଇ ମୁଣ୍ଡ ଟେକିଲା ଆନ୍ଦୋଳନ । କଟକ ରେଳ ଷ୍ଟେସନ ସମ୍ମୁଖରେ ଏସୟୁସିଆଇ ପକ୍ଷରୁ ପ୍ଲାଟଫର୍ମ ଟିକେଟ ବର୍ଦ୍ଧିତ ମୂଲ୍ୟକୁ ନେଇ ବିକ୍ଷୋଭ ପ୍ରଦର୍ଶନ କରାଯାଇଛି । ଗୋଟେପଟେ ସାରା ଦେଶ କରୋନାର ସ୍ଥିତିକୁ ନେଇ ଭୟଭୀତ ରହିଥିବା ବେଳେ ଅନ୍ୟପଟେ ଟ୍ରେନ ପ୍ଲାଟଫର୍ମ ଟିକେଟ ବୃଦ୍ଧି ଏକ ନିନ୍ଦନୀୟ ପ୍ରସଙ୍ଗ ବୋଲି ଏସୟୁସିଆ ଅଭିଯୋଗ କରିଛି ।
ପ୍ଲାଟଫର୍ମ ଟିକେଟ ମୂଲ୍ୟ ଵୃଦ୍ଧି ନେଇ ଏସୟୁସିଆଇର ବିକ୍ଷୋଭ
ସେହିପରି କେନ୍ଦ୍ର ସରକାର କରୋନା ପାଇଁ ଚିନ୍ତା କରିବା ଦରକାର ନା କି ପ୍ଲାଟଫର୍ମ ଟିକେଟ ବୃଦ୍ଧି ପାଇଁ ବୋଲି ଦାବି କରିଛନ୍ତି ଆନ୍ଦୋଳନକାରୀ । ସେପଟେ ଟ୍ରେନ ଯାତାୟାତ କରିବା ପୂର୍ବରୁ ସମସ୍ତ ବଗିକୁ ଭଲ ଭାବେ ସଫା କରିବା ଦରକାର । ଯାହାଦ୍ବାରା କରୋନା ପ୍ରଭାବ ନିଷ୍କ୍ରିୟ ରହିବ ବୋଲି ଦାବି କରିଛି ଏସୟୁସିଆଇ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
