କଟକ: ଦଳକୁ ଫେରିବେ ବାରବାଟୀ ବିଧାୟକ ମହମ୍ମଦ ମୋକିମ ! ଆସିଲା ଗ୍ରୀନ ସିଗ୍ନାଲ । ଇସାରା କରି ସୂଚନା ଦେଲେ ପୂର୍ବତନ ପିସିସି ସଭାପତି ତଥା କଂଗ୍ରେସର ବରିଷ୍ଠ ନେତା ନିରଞ୍ଜନ ପଟ୍ଟନାୟକ । ତେବେ ପ୍ରତ୍ୟେକ୍ଷରେ ନୁହେଁ ପରୋକ୍ଷରେ ମୋକିମଙ୍କ ଯୋଗଦାନକୁ ନେଇ ଆଶା ପ୍ରକଟ କରିଛନ୍ତି ନିରଞ୍ଜନ । ତାଙ୍କ ମତରେ ଦଳରୁ ମୋକିମ ନିଲମ୍ବନ ହୋଇଛନ୍ତି ସତ କିନ୍ତୁ ଦଳ ପାଇଁ କାମ କରୁଛନ୍ତି ।
ତେବେ ନିରଞ୍ଜନ ଏହା କହିଛନ୍ତି ଯେ, ଦଳ ମଜଭୁତ ହେବା ପାଇଁ ସମସ୍ତ ପ୍ରକାର ଚେଷ୍ଟା କରାଯିବ । ଆଗାମୀ ୨୦୨୪ ନିର୍ବାଚନରେ ମୋକିମ ନିର୍ବାଚନକୁ ଓହ୍ଲାଇବେ କି ନାହିଁ ମୁଁ କହିପାରିବିନି । ସେ ନିର୍ବାଚନ ଲଢ଼ିବେ କି ନାହିଁ ଏହା ତାଙ୍କ ଉପରେ ନିର୍ଭର କରେ । ମୋକିମ ନିଲମ୍ବିତ ହୋଇଛନ୍ତି କିନ୍ତୁ ଦଳରୁ ବିତାଡ଼ିତ ହୋଇନାହାନ୍ତି । ନିଲମ୍ବନ କେଉଁ ମୁହୁର୍ତ୍ତରେ ଉଠିପାରେ । ମୋକିମ ନିର୍ବାଚନ ଲଢିବେ କି ନାହିଁ ସେ ଦାୟୁତ୍ବ ମୋର ନୁହେଁ । କିନ୍ତୁ ଲଢ଼ିବାର ନାହିଁ ବୋଲି କେହିପାରିବେନି ବୋଲି କହିଛନ୍ତି ନିରଞ୍ଜନ । ତେବେ ମୋକିମ ଦଳରୁ ନିଲମ୍ବନ ହେବା ପରେ ଆରମ୍ଭ ହେଇଥିଲା ଅନେକ ରାଜନୈତିକ ବାକ ଯୁଦ୍ଧ । ଏପରିକି କଟକ ନଗର ସଭାପତି ସୁରେଶ ମହାପାତ୍ର, ମୋକିମଙ୍କ ନିଲମ୍ବନ ପରେ ଦଳ ଉପରେ କିମ୍ବା କଟକ ନଗର କଂଗ୍ରେସ ଉପରେ ଏହାର କୌଣସି ପ୍ରଭାବ ପଡିବ ନାହିଁ ବୋଲି କହିଥିଲେ । ଦଳ ପୂର୍ବରୁ ଯେପରି ଥିଲା ସେପରି ରହିବ । ବିଗତ ଦିନରେ ଅନେକ ବଡ଼ ବଡ଼ ନେତା କଂଗ୍ରେସରୁ ଯାଇଛନ୍ତି । କିନ୍ତୁ ଦଳ କୌଣସି ପ୍ରଭାବିତ ହୋଇନାହିଁ ।
ଏହା ମଧ୍ୟ ପଢ଼ନ୍ତୁ...ତୁଟୁନି ମେୟର-ବିଧାୟକ କଳି; ସୁବାସ ସିଂଙ୍କୁ ଶାଣିତ ସ୍ବରରେ ମୋକିମଙ୍କ କଟାକ୍ଷ
ମୋକିମ ଭଳି ଅନେକ ବିଜୟୀ ବିଧାୟକ ଦଳରୁ ଯାଇଛନ୍ତି ହେଲେ ଦଳ ପ୍ରଭାବିତ ହୋଇନି । ଆଉ ବର୍ତ୍ତମାନ ସମୟରେ ମଧ୍ୟ ଦଳ କୌଣସି ପ୍ରକାର ପ୍ରଭାବିତ ହେବନି ବୋଲି ସ୍ପଷ୍ଟ କରିଥିଲେ କଂଗ୍ରେସ ନଗର ସଭାପତି ସୁରେଶ ମହାପାତ୍ର । ଯେଉଁମାନେ ଦଳରେ ବିଶୃଙ୍ଖଳାକାରୀ ଥିଲେ ସେମାନଙ୍କ ପ୍ରତି ଦଳର ହାଇକମାଣ୍ଡ ଏପରି ନିସ୍ପତ୍ତି ନେଇଛନ୍ତି । ଯାହାକୁ କଂଗ୍ରେସ ମାନୁଚି ଓ ମାନିବ । ଦଳରୁ ନିଲମ୍ବନ ହେବା ଏକ ଖରାପ ବାର୍ତା ନୁହେଁ ବରଂ ଅନୁଶାସନର ଏକ ନିଛକ ଉଦାହରଣ । ଏହା ବ୍ୟତୀତ ଦଳ କମଯୋର ନୁହେଁ ବରଂ ମଜଭୁତ ହେବାରେ କୌଣସି ଦ୍ବିମତ ନାହିଁ ବୋଲି ସେ କହିଥିଲେ । ତେବେ ଆଜି ନିରଞ୍ଜନ ଦେଇଥିବା ବ୍ୟାୟନ ନିଶ୍ଚିତ ରୂପେ 2024 ନିର୍ବାଚନ ପୂର୍ବରୁ କେଉଁଠି ନାଁ କେଉଁଠି ମୋକିମଙ୍କୁ ଦଳକୁ ଫେରିବେ ବୋଲି ଆଶା ଉଜ୍ଜିବିତ ହେଉଛି ।
ଇଟିଭି ଭାରତ, କଟକ
