କଟକ: ସିଡିଏ ସେକ୍ଟର-13 ଅଞ୍ଚଳରେ କମିଶନରେଟ ପୋଲିସର ଏନକାଉଣ୍ଟର । ଏଥିରେ ଟିଟୋର ସହଯୋଗୀ ବୁଦ୍ଧିଆ ଦାସ ଗୁରୁତର ଆହତ ହୋଇଛି । ବୁଦ୍ଧିଆର ଡାହାଣ ଗୋଡରେ ବାଜିଛି ଗୁଳି । ଆହତ ଅବସ୍ଥାରେ ତାକୁ କଟକ ବଡ ମେଡିକାଲରେ ଭର୍ତ୍ତି କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ପୋଲିସ ତା ନିକଟରୁ 9 ଏମଏମର ଗୋଟିଏ ବନ୍ଧୁକ ଓ 2 ଟି ଜୀବନ୍ତ ଗୁଳି ଜବତ କରିଛି ପୋଲିସ । ବୁଦ୍ଧିଆ ନାମରେ ବିଭିନ୍ନ ଥାନାରେ 16ରୁ ଊର୍ଦ୍ଧ୍ବ ଅପରାଧିକ ମାମଲା ରହିଛି । ସୂଚନା ଅନୁଯାୟୀ, ପୋଲିସ ତାକୁ ଗିରଫ କରିବାକୁ ଯାଇଥିବା ବେଳେ ସେ ପୋଲିସ ଉପରକୁ ଗୁଳିମାଡ କରିଥିଲା । ପାଲଟା ଜବାବରେ ଗୁରୁତର ଆହତ ହୋଇଛି ବୁଦ୍ଧିଆ । ଏଥିରେ ଜଣେ କନେଷ୍ଟବଳ ମଧ୍ୟ ଆହତ ହୋଇଛନ୍ତି । ତାଙ୍କ ନାମ ବିଶ୍ବଜିତ୍ ସାମନ୍ତରାୟ ।
କଟକରୁ ନାରାୟଣ ସାହୁ, ଇଟିଭି ଭାରତ
