କଟକ: କଟକ କମିଶନରେଟ ପୋଲିସକୁ ସଫଳତା । ଏକ କୁଖ୍ୟାତ ଲୁଟେରା ଗ୍ୟାଙ୍ଗର ପର୍ଦ୍ଦାଫାଶ କରିଛି ପୋଲିସ । ସଦର ପୋଲିସ ଶୁକ୍ରବାର ଲୁଟରେ ସମ୍ପୃକ୍ତ 8 ଜଣଙ୍କୁ ଗିରଫ କରିଛି । ଅଭିଯୁକ୍ତଙ୍କ ନିକଟରୁ 13 ଟି ସୁନା ଚେନ, ଗୋଟିଏ ଦେଶୀ ବନ୍ଧୁକ ଓ 3 ଟି ବାଇକ ଜବତ କରାଯାଇଛି ।
ପୋଲିସ ସୂଚନା ଅନୁଯାୟୀ, ଗତ 5 ତାରିଖରେ କଟକ ବିଡାନାସି ଅଞ୍ଚଳର ସତ୍ୟ ନାରାୟଣ ନାୟକ ଓ ତାଙ୍କ ମାଆ ଏକ ବାଇକ ଯୋଗେ ଭୁବନେଶ୍ବରରୁ କଟକ ଫେରୁଥିଲେ । ପ୍ରାୟ ସନ୍ଧ୍ୟା 6 ଟା 30 ସମୟରେ ଦୁଇ ଜଣ ଲୁଟେରା ତାଙ୍କ ମାଙ୍କ ବେକରୁ ସୁନା ଚେନ ଛଡାଇ ନେଇ ଫେରାର ହୋଇଯାଇଥିଲେ । ଏନେଇ ସତ୍ୟ କଟକ ସଦର ଥାନାରେ ଏତଲା ଦାୟର କରିଥିଲେ । ଘଟଣାର ତଦନ୍ତ କରି କଟକ ସଦର ଥାନା ପୋଲିସ ଓ ସ୍ପେଶାଲ ସ୍କ୍ବାର୍ଡ ଏହି ଲୁଟେରା ଗ୍ୟାଙ୍ଗକୁ ଧରିବାରେ ସକ୍ଷମ ହୋଇଛନ୍ତି । ସେମାନଙ୍କ ନିକଟରୁ 6 ଲକ୍ଷ ଟଙ୍କା ମୂଲ୍ୟର 13 ଟି ସୁନା ଜବତ କରାଯାଇଛି । ଘଟଣାରେ ଆଉ କେଉଁମାନେ ସାମିଲ ଅଛନ୍ତି ସେନେଇ ପୋଲିସ ଖୋଳତାଡ କରୁଥିବା କମିଶନର ଜଣାଇଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
