କଟକ: ସୋମବାର ଠାରୁ ଆରମ୍ଭ ହୋଇଛି ଯୁକ୍ତ ଦୁଇ ନାମଲେଖା । ପ୍ରଥମ ପର୍ଯ୍ୟାୟ କଟଅଫ୍ ମାର୍କ ଅନୁଯାୟୀ ବିଭିନ୍ନ କଲେଜରେ ନାମ ଲେଖାଇଛନ୍ତି ଛାତ୍ରଛାତ୍ରୀ । କୋଭିଡ ନିୟମ ଅନୁଯାୟୀ ବିଭିନ୍ନ କଲେଜରେ ନାମଲେଖା ପ୍ରକ୍ରିୟା ଆରମ୍ଭ ହୋଇଛି ।
ଦୀର୍ଘ ମାସ ପରେ ଏହି ପକ୍ରିୟା ଆରମ୍ଭ ହୋଇଥିବାରୁ ଛାତ୍ରଛାତ୍ରୀ ଖୁସି ଜାହିର କରିଛନ୍ତି । ମାତ୍ର କେବେ କ୍ଳାସ ଆରମ୍ଭ ହେବ ଓ କେବେ ପୂର୍ବଭଳି କ୍ଳାସରୁମରେ ପାଠ ପଢିବାକୁ ସୁଯୋଗ ମିଳିବ ଅପେକ୍ଷା କରିଛନ୍ତି ଛାତ୍ରଛାତ୍ରୀ । ଅନ୍ୟପଟେ କୋଭିଡ ସମୟରେ ନାମ ଲେଖା ପ୍ରକ୍ରିୟା ଆରମ୍ଭ ହୋଇଥିବାରୁ ମନରେ ଭୟ ରଖି ଯଥେଷ୍ଟ ସତର୍କତାର ସହ ଏହି ପ୍ରକ୍ରିୟା କରାଯାଉଥିବା ଦାୟିତ୍ୱରେ ଥିବା ଅଧ୍ୟାପିକା କହିଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
