କଟକ: ସହରର ଅନ୍ୟତମ ପ୍ରସିଦ୍ଧ ଶୈବପୀଠ ଅମରେଶ୍ବର ମନ୍ଦିର ନିକଟରେ ଏକ ମଦ ଦୋକାନ ଖୋଲିବାରୁ ସ୍ଥାନୀୟ ଅଞ୍ଚଳରେ ଏହାକୁ ତୀବ୍ର ବିରୋଧ କରାଯାଇଛି । ସ୍ଥାନୀୟ ଲୋକେ ଆଜି ସମ୍ପୃକ୍ତ ମଦ ଦୋକାନ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ପରେ ସେଠାରେ କିଛି ସମୟ ପାଇଁ ଉତ୍ତେଜନା ଦେଖା ଦେଇଥିଲେ ।
ମନ୍ଦିର କଡ଼ରେ ମଦ ଦୋକାନକୁ ବିରୋଧ
ପରିସ୍ଥିତି ବିଗିଡ଼ିବା ଆଶଙ୍କା କରି ଦୋକାନ ମାଲିକ ମଦ ଦୋକାନକୁ ବନ୍ଦ କରି ପଳାଇ ଯାଇଥିଲେ । ଖବର ପାଇ ମଙ୍ଗଳାବାଗ ପୋଲିସ ଘଟଣା ସ୍ଥଳରେ ପହଞ୍ଚି ବିକ୍ଷୋଭକାରୀଙ୍କ ବୁଝାସୁଝା ପରେ ପରିସ୍ଥିତି ଶାନ୍ତ ପଡ଼ିଥିଲା । ସେଠାରେ ମଦ ଦୋକାନ ଖୋଲିବାକୁ ପୂର୍ବରୁ ସ୍ଥାନୀୟ ଲୋକେ ବିରୋଧ କରୁଥିବା ବେଳେ ଗତ 13 ତାରିଖ ଦିନ ସେଠାରେ ମଦ ଦୋକାନଟି ଖୋଲିଥିଲା । ତେବେ ଆଗାମୀ ଦିନରେ ଯଦି ଏହି ମଦ ବ୍ୟବସାୟ ବନ୍ଦ ନହୁଏ ତେବେ ଏକ ବଡ଼ ଆନ୍ଦୋଳନର ଚେତାବନୀ ଦିଆଯାଇଛି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
