କଟକ: ନୂଆବର୍ଷର ମଉଜ ହେଲା କାଳ । ମଙ୍ଗଳବାର ବିଳମ୍ବିତ ରାତିରେ କଟକ ବଳଭଦ୍ରପୁର ଠାରେ ଭୋଜିଭାତ କରୁଥିବାବେଳେ ୫ ମହଲା ଛାତରୁ ପଡି ଜଣେ ଯୁବକ ମୃତ। ମୃତକ ଯୁବକ ଜଣକ ହେଲେ ପ୍ରୀତମ ସାହୁ । ତାଙ୍କ ବୟସ ୩୬ ବର୍ଷ ହୋଇଥିବାବେଳେ ସେ ବଳଭଦ୍ରପୁରର ବାସିନ୍ଦା ।
ସୂଚନାନୁସାରେ, ପ୍ରୀତମ ଏବଂ ତାଙ୍କର ସାଙ୍ଗମାନେ ବିଳମ୍ବିତ ରାତିରେ ସାହି ପିଲାଙ୍କ ସହ ମିଶି ଭୋଜିଭାତର ଆୟୋଜନ କରିଥିଲେ । ନୂଆବର୍ଷର ମାହୋଲରେ ସମସ୍ତେ ମଜଗୁଲ୍ ଥିବାବେଳେ ଘଟିଥିଲା ଏହି ଦୁଃଖଦ ଘଟଣା ।
ପ୍ରଥମେ ତାଙ୍କୁ ଗୁରୁତର ଅବସ୍ଥାରେ କଟକ ବଡ ମେଡିକାଲ ନିଆଯାଇଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତେବ ପୋଲିସ ଘଟଣା ସ୍ଥଳକୁ ସିଲ କରି ତଦନ୍ତ ଚଳାଇଛି।
କଟକରୁ ପ୍ରଭୂକଲ୍ୟାଣ ପାଲ୍, ଇଟିଭି ଭାରତ
