କଟକ: କୋରୋନା ସହ ଏବେ ସାରା ବିଶ୍ୱ ଲଢେଇ କରୁଛି । ଏ ଘଡିସନ୍ଧି ସମୟରେ 401ଜଣ ପ୍ଲାଜମା ଦାନ କରି ଅନ୍ୟମାନଙ୍କ ପାଇଁ ଉଦାହରଣ ସୃଷ୍ଟି କରିଛନ୍ତି ।
ପ୍ଲାଜମା ଦାନ କରିବାରେ ଦିନକୁ ଦିନ ରେକର୍ଡ କରୁଛି ଓଡିଶା । ଏବେ ସୁଦ୍ଧା 401ଜଣ କୋରୋନା ଯୋଦ୍ଧା ନିଜର ପ୍ଲାଜମା ଦାନ କରିଛନ୍ତି । ଓଡିଶା ପୋଲିସ ରାଜ୍ୟର ବିଭିନ୍ନ ମେଡିକାଲରେ ପ୍ଲାଜମା ଦାନ କରି ନିଜର ଅନ୍ୟ ଏକ ପରିଚୟ ସୃଷ୍ଟି କରିଛି । ଆଗାମୀ ଦିନରେ କୋରୋନା ଯୋଦ୍ଧାଙ୍କର ଏହି ପ୍ରୟାସ ଜାରି ରହିବ ବୋଲି କହିଛନ୍ତି ଓଡିଶା ପୋଲିସ । କୋରୋନା ଯୋଦ୍ଧାଙ୍କର ଏହି ପ୍ଲାଜମା ଦାନ ରାଜ୍ୟକୁ କୋରୋନା ମୁକ୍ତ କରିବାରେ ସହାୟକ ହେବ । ସମସ୍ତ ପ୍ଲାଜମା ଦାନ କରିଥିବା ଯୋଦ୍ଧାମାନଙ୍କୁ ଧନ୍ୟବାଦ ଦେଇଛନ୍ତି ପୋଲିସ ମହାନିର୍ଦ୍ଦେଶକ ଅଭୟ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
