କଟକ: ସମସ୍ତ ଜିଲ୍ଲାରେ ଲକଡାଉନ ଚାଲିଥିବା ବେଳେ କିପରି ରହିଛି ପରିସ୍ଥିତି ସେ ନେଇ ଗୁରୁବାର ସମୀକ୍ଷା କରିଛନ୍ତି ପୋଲିସ ଡିଜି ଅଭୟ । ଭିଡିଓ କନଫରେନ୍ସିଂ ଜରିଆରେ ସେ ସମସ୍ତ ରେଞ୍ଜ ଆଇଜି, ଡିଆଇଜି ଓ ଜିଲ୍ଲା ଆରକ୍ଷୀ ଅଧିକ୍ଷକଙ୍କ ସହ ଲକଡାଉନ ସ୍ଥିତି ବିଷୟରେ ପଚାରି ବୁଝିଥିଲେ ।
ଲକଡାଉନ ସମୟରେ ଜିଲ୍ଲାର ସ୍ଥିତି କେତେ ମଜଭୁତ ରହିଛି ତାହା ବୈଠକରେ ସମୀକ୍ଷା ହୋଇଥିଲା । ଏଥିସହ ଆଗାମୀ ଦିନରେ ଆଉ କ’ଣ ଉନ୍ନତିମୂଳକ ପଦକ୍ଷେପ ନିଆଯାଇପାରିବ ସେ ନେଇ ମଧ୍ୟ ଆଲୋଚନା ହୋଇଥିଲା । ତେବେ ରାଜ୍ୟରେ 20 ତାରିଖ ପରେ ଲକଡାଉନ ନିୟମ କେତେ କୋହଳ ହେବ ତାହା ବୈଠକର ଶୀର୍ଷବିନ୍ଦୁ ରହିଥିଲା ।
ଏଥିସହ ଜିଲ୍ଲାରେ ଲକଡାଉନ ସମ୍ପର୍କିତ ଅପରାଧରେ ଆଇନଗତ କାର୍ଯ୍ୟାନୁଷ୍ଠାନ ଏବଂ ବେଆଇନ ମଦ କାରବାର ଓ ଘରୋଇ ହିଂସା ଉପରେ କାର୍ଯ୍ୟାନୁଷ୍ଠାନ ପ୍ରମୁଖ ସ୍ଥିତି ଉପରେ ମଧ୍ୟ ଡିଜି ଆଲୋଚନା କରିଥିଲେ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
