ଶନିବାରଠାରୁ କଟକରେ ଲାଗିବ ଅଡ-ଇଭେନ ଫର୍ମୁଲା

କଟକ: କୋରୋନା ସତର୍କତା ପାଇଁ ସିଲଭର ସିଟିରେ ଜାରି ହେଲା ଗାଡି ଚଳାଚଳ ଉପରେ କଟକଣା । ଶନିବାରଠାରୁ କଟକରେ ଲାଗୁ ହେବ ଅଡ-ଇଭେନ ଫର୍ମୁଲା । ଏହି ଆଧାରରେ ମାର୍ଚ୍ଚ 21 ତାରିଖ, ଶନିବାର ଅଯୁଗ୍ମ ନଂ ଗାଡି ଚଳାଚଳ ସହ ନିୟମ ପାଳନ ଆରମ୍ଭ ହେବ । ପରେ ରବିବାର ଦିନ ଯୁଗ୍ମ ନଂ ଗାଡି ଚଳାଚଳ କରିବ ।  

ଏହି କ୍ରମରେ ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ଲାଗୁ ହେବ ଅଡ-ଇଭେନ ଫର୍ମୁଲା । ସମସ୍ତ ଚାରି ଚକିଆ ଓ ତିନି ଚକିଆ ଗାଡି ପାଇଁ ଏହି ନିୟମ ପ୍ରଯୁଜ୍ୟ । ଏନେଇ ପ୍ରେସ ବିଜ୍ଞପ୍ତି ମାଧ୍ୟମରେ ସୂଚନା ଦେଇଛନ୍ତି କଟକ ଡିସିପି ଅଖିଳେଶ୍ବର ସିଂ ।  

Even number / ଯୁଗ୍ମ ସଂଖ୍ୟା = 0,2,4,6,8ରେ ଶେଷ ହେଉଥିବା ଗାଡି ନମ୍ବର  

Odd number / ଅଯୁଗ୍ମ ସଂଖ୍ୟା = 1,3,5,7,9ରେ ଶେଷ ହେଉଥିବା ଗାଡି ନମ୍ବର

କଟକରୁ ନାରାୟଣ ସାହୁ, ଇଟିଭି ଭାରତ