କଟକ: ବାଲିଯାତ୍ରାର ଆଜି ଦ୍ୱିତୀୟ ଦିନ। ବୁଧବାର ସାଙ୍ଗକୁ ଛାଡଖାଇ ପଡ଼ୁଥିବାରୁ ଆମିଷ ଉପରେ ସମସ୍ତଙ୍କ ନଜର । ଖାଉଟିଙ୍କ ଆଗ୍ରହ ଦେଖି ବିଭିନ୍ନ ପ୍ରକାର ଆମିଷ ଖାଦ୍ୟ ପ୍ରସ୍ତୁତ କରୁଛନ୍ତି ବ୍ୟବସାୟୀ । ଆମିଷର ନୂଆ ନୂଆ ଖାଦ୍ୟପଦାର୍ଥ ପ୍ରସ୍ତୁତ କରାଯାଉଛି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ବିଶେଷକରି ମାଛ, ଚିକେନ୍, ମଟନରେ ବିଭିନ୍ନ ପ୍ରକାର ଖାଦ୍ୟ ପ୍ରସ୍ତୁତ କରାଯାଉଛି । ତେବେ ଲୋକଙ୍କ ଚାହିଦାକୁ ଦୃଷ୍ଟିରେ ରଖି ଦର ମଧ୍ୟ କମ୍ ରଖାଯାଇଥିବା ବ୍ୟବସାୟୀ କହିଛନ୍ତି । ସନ୍ଧ୍ୟା ସମୟରେ ଦର୍ଶକଙ୍କ ଭିଡ଼ ଜମିବ। ବାଲିଯାତ୍ରା ପଡ଼ିଆରେ ଛାଡଖାଇ କରିବା ନିଆରା । ତେବେ ବିଭିନ୍ନ ପ୍ରକାର ଆମିଷ ଖାଦ୍ୟ ଖାଇ ବାଲିଯାତ୍ରା ବୁଲିବା ପାଇଁ ଲୋକେ ବେଶ ଉତ୍ସାହିତ ।
କଟକରୁ ନାରାୟଣ ସାହୁ, ଇଟିଭି ଭାରତ
