କଟକ: ଦୀର୍ଘ 10ମାସ ହେବ କେରୋନା କାୟାରେ ସାରା ବିଶ୍ବ । କୋରୋନା ପାଇଁ ହୋଇଥିବା ଲକଡାଉନରେ ବେଶ୍ ପ୍ରଭାବିତ ହୋଇଛନ୍ତି ଶ୍ରମିକ ସଂଘ । ସରକାର ସେମାନଙ୍କୁ ଆର୍ଥିକ ସହାୟତା ରାଶି ହେବାକି ପ୍ରତିଶ୍ରୁତି ଦେଇଥିଲେ ହେଲେ ଆଜି ଯାଏଁ ସେମାନଙ୍କୁ କୌଣସି ସହାୟତା ମିଳିନାହିଁ । ଏନେଇ ଶୁକ୍ରବାର ନିର୍ମାଣ ଶ୍ରମିକ ପକ୍ଷରୁ ବିକ୍ଷୋଭ ପ୍ରଦର୍ଶନ ହୋଇଛି ।
କଟକ ଜିଲ୍ଲାରେ 32 ହଜାରରୁ ଉର୍ଦ୍ଧ୍ବ ଶ୍ରମିକ ରହିଛନ୍ତି । କୋରୋନା ଘର ଦୁଆର ମୁହଁରେ ସମୟତା ରାଶି ଯୋଗାଇ ଦେବାକୁ କହିଥିଲେ ସରକାର । ହେଲେ ଯେଉଁଥିରୁ ଅନେକ ଶ୍ରମିକ କୋରୋନା ସହାୟତା ରାଶି ପାଇବାରୁ ବଞ୍ଚିତ ହୋଇଛନ୍ତି । 1500 ଟଙ୍କା ଲେଖାଏଁ ପାଇବା ସରକାରୀ ସ୍ଥରରେ ପଞ୍ଜିକୃତ ଶ୍ରମିକଙ୍କ ହକ ଅଛି । ହେଲେ ଏଯାବତ ଏକ ଟଙ୍କା ମଧ୍ୟ ମିଳି ପାରିନାହିଁ । ଯାହା ପାଇଁ ଆଜି ଗର୍ଜନ କରିଛି ନିର୍ମାଣ ଶ୍ରମିକ ସଗଠନ ସମନ୍ବୟ ସମିତି । ଏହା ସହ ସାଇକେଲ ପାଇବାରୁ ଅନେକ ଶ୍ରମିକ ବଞ୍ଚିତ ଅଛନ୍ତି । ଏହାଛଡା ପଞ୍ଜିକୃତ ପାଇଁ ଆବେଦନ କରିଥିଲେ ସୁଧା ଅନେକ ଶ୍ରମିକଙ୍କ ନାଁ ମଧ୍ୟ ସରକାରୀ ପଞ୍ଜିକୃତ ହୋଇପାରି ନାହାନ୍ତି ।
ଆଗକୁ ଯଦି ଶ୍ରମିକମାନଙ୍କ ଏହି ଦାବି ଉପରେ ଧ୍ୟାନ ନ ଦିଆ ଯାଏ ତେବେ ଆଗମୀ ଦିନରେ ଏକ ବଡ଼ ଆନ୍ଦୋଳନର ରୂପ ନେବ ବୋଲି ସରକାରଙ୍କୁ ଚେତାବନୀ ଦେଇଛି ନିର୍ମାଣ ଶ୍ରମିକ ସଂଗଠନ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
