କଟକ: ଖେଳ ପଡିଆରେ ଚାଲିଛି ବ୍ୟବସାୟ । ନିରାଶ ହେଉଛନ୍ତି ଖେଳାଳି । ଏହା କୌଣସି ଉପାନ୍ତ ଅଞ୍ଚଳର ନୁହେଁ ବରଂ ଏହା କଟକ ନୂଆବଜାରର ନେତାଜୀ ପଡିଆର କଥା । 54 ନମ୍ବର ୱାର୍ଡର ସ୍ଥିତ ଏହି ପଡିଆର ନିର୍ମାଣ କେବଳ କ୍ରୀଡା ପାଇଁ ହୋଇଥିଲା । କିନ୍ତୁ ଆଜିର ଦିନରେ ଏହା ଏକ ବ୍ୟବସାୟର ଆଡ୍ଡା ସ୍ଥଳ ପାଲଟିଛି । ଯାହାକୁ ନେଇ ବଢିଛି ଚିନ୍ତା ।
ଭଡାରେ ଲାଗୁଛି ନେତାଜୀ ପଡିଆ । ଖେଳ କମ୍ ବ୍ୟବସାୟର ପେଣ୍ଠ ସ୍ଥଳ ସାଜିଛି ଏହି ପଡିଆ । ବାହାଘର ଠାରୁ ଆରମ୍ଭ କରି ଜନ୍ମ ଦିନ ଭୋଜି ପର୍ଯ୍ୟନ୍ତ । ସବୁ ଏଠାରେ ଆୟୋଜନ ହେଉଛି ।
ଯାହା ଛୋଟ ବଡ ଖେଳାଳି ମାନଙ୍କର ଭବିଷ୍ୟ ସହ ଖେଳା ଯାଉଛି ବୋଲି ଆଭିଯୋଗ କରିଛନ୍ତି ପୂର୍ବତନ ସିଏମସି କର୍ପୋରେଟର ଜୟଦେବ ଜେନା । ବିଶେଷ କରି ନିକଟରେ ଥିବା ଶିଶୁ ମନ୍ଦିରର ପିଲା ମାନେ ଏହି ପଡିଆରେ ବାର୍ଷିକ କ୍ରୀଡା ଓ ଦୈନନ୍ଦିନ ଖେଳ ଅଭ୍ୟାସ ପାଇଁ ଆସିଥାନ୍ତି । ହେଲେ ବର୍ତ୍ତମାନ ପଡିଆର ସ୍ଥିତି ଯାହା ରହିଛି ତାହା ନ କହିବା ଭଲ ।
ଅନ୍ୟପଟେ ରାଜ୍ୟ ସରକାର କ୍ରୀଡା ଉପରେ ବେଶ ଗୁରୁତ୍ବ ଦେଉଛନ୍ତି । କିନ୍ତୁ ନେତାଜୀ ପଡିଆର ସ୍ଥିତି ବେଶ୍ ସଙ୍ଗିନ । କ୍ରିକେଟ, ଫୁଟବଲ, ଭଲିବଲ୍ ଇତ୍ୟାଦି କ୍ରୀଡାର ଖେଳ ଅଭ୍ୟାସ ପାଇଁ ନିର୍ମାଣ କରାଯାଇଥିଲା ଏହି ପଡିଆ । ଏବେ କିନ୍ତୁ ଏହା ବ୍ୟବସାୟ ମୁଁହା ପଡିଆ । ତେବେ ଏହି ଘଟଣା ଉପରେ ଏକ ତଦନ୍ତ କରାଯିବ ବୋଲି କହିଛନ୍ତି ଜିଲ୍ଲାପାଳ ଭବାନୀ ଶଙ୍କର ଚୟିନୀ ।
ତେବେ କ୍ରୀଡାକୁ ଆଖି ଠାର ମାରି ଅର୍ଥ ଉପାର୍ଜନ କରୁନିତ ସିଏମସି ? ଏମିତି କିଛି ପ୍ରଶ୍ନ ସର୍ବସାଧାରଣରେ ଉଙ୍କି ମାରୁଚି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
