ଗୋଦାମ ଘର ତାଲା ଭାଙ୍ଗି 50ରୁ ଉର୍ଦ୍ଧ୍ବ ଗ୍ଯାସ ଟାଙ୍କି ଚୋରି

କଟକ ଜିଲ୍ଲା ମାହାଙ୍ଗା ଥାନା ଅଳିଯୋଡ଼ାଠାରେ ଥିବା ଡ଼ଲଫିନ ଇଣ୍ଡିଆନ ଗ୍ୟାସ ଏଜେନ୍ସି ଗୋଦାମ ଘରୁ ଚୋରି ହୋଇଛି ବିପୁଳ ପରିମାଣର ଗ୍ୟାସ ଟାଙ୍କି ।

କଟକ: କଟକ ଜିଲ୍ଲା ମାହାଙ୍ଗା ଥାନା ଅଳିଯୋଡ଼ାଠାରେ ଥିବା ଡ଼ଲଫିନ ଇଣ୍ଡିଆନ ଗ୍ୟାସ ଏଜେନ୍ସି ଗୋଦାମ ଘରୁ ଚୋରି ହୋଇଛି ବିପୁଳ ପରିମାଣର ଗ୍ୟାସ ଟାଙ୍କି । ଗୋଦାମ ଘର ତାଲା ଭାଙ୍ଗି ଲୁଟେରାମାନେ ପଚାଶରୁ ଉର୍ଦ୍ଧ୍ଵ ଟାଙ୍କି ଲୁଟି ନେଇଥିବା ଅଭିଯୋଗ ହୋଇଛି l ଏଥିସହ ଅନ୍ୟ ଏକ ରୁମ ଭିତରୁ ନଗଦ ଟଙ୍କା ମଧ୍ୟ ଲୁଟି ନେଇଥିବା ଜଣାପଡିଛି l

ଖବର ପାଇ ଏଜେନ୍ସିର ମ୍ୟାନେଜର ମାହାଙ୍ଗା ଥାନାରେ ଏତଲା ଦେବାରୁ ପୋଲିସ ଘଟଣାର ତଦନ୍ତ ଆରମ୍ଭ କରିଛି l ସେପଟେ ପେଟ୍ରୋଲିଂ ଅଭାବରୁ ମାହାଙ୍ଗା ଥାନା ଅଞ୍ଚଳରେ ଲୁଟେରାମାନେ ସକ୍ରିୟ ହେଉଥିବା ସାଧାରଣରେ ଅଭିଯୋଗ ହୋଇଛି l ଏଭଳି ବଡ ଧରଣର ଚୋରି ପଛରେ ଏକାଧିକ ବ୍ୟକ୍ତିଙ୍କ ସମ୍ପୃକ୍ତି ନେଇ ସନ୍ଦେହ ସୃଷ୍ଟି ହୋଇଛି l

କଟକରୁ ନାରାୟଣ ସାହୁ, ଇଟିଭି ଭାରତ