କଟକ: ମୁକୁଳା ଡ୍ରେନରେ ପଡି 9ବର୍ଷର ଛାତ୍ର ମୃତ । ବିଡାନାସୀ ବନ୍ଧ ଛକ ଠାରେ ଘଟିଛି ଏଭଳି ଘଟଣା । ତେବେ ମୃତ ଶିଶୁଟି ଜୋସେଫ ସାହାଣୀ ବୋଲି ଜଣାପଡିଛି । ଗୁଡ଼ି ଉଡାଉଥିବା ବେଳେ ମୁକୁଳା ଡ୍ରେନରେ ପଡି ପ୍ରାଣ ହରାଇଛି ଶିଶୁ । ତେବେ ଆଜିକୁ 1ବର୍ଷ ହେବ ଡ୍ରେନ କାମ ଚାଲିଥିବା ବେଳେ ଡ୍ରେନ ମୁକୁଳା ରହିଥିବା ଯୋଗୁ ଏଭଳି ଘଟଣା ଘଟିଛି । ପ୍ରଶାସନର ଏଭଳି ଅବହେଳା ଯୋଗୁଁ ଏଭଳି ଘଟଣା ଘଟିଥିବା ଅଭିଯୋଗ କରିଛନ୍ତି ପରିବାର ଲୋକେ । ତେବେ ଏହି ଘଟଣା ସ୍ଥନୀୟ ଅଞ୍ଚଳରେ ଶୋକର ଲହରୀ ଖେଳାଇ ଦେଇଛି ।
ସୂଚନା ଅନୁଯାୟୀ, ବିଡାନାସି ଅଞ୍ଚଳରେ ଥିବା ଗତକାଲି ଶିଶୁ ଜଣଙ୍କ ଖେଳିବାକୁ ବାହାରକୁ ଆସିଥିଲା । ଗୁଡି ଉଡାଉଥିବା ସମୟରେ ମୁକୁଳା ଡ୍ରେନରେ ପଡିଯାଇଥିଲା । ଏନେଇ ପରେ ପରିବାର ଲୋକଙ୍କ ଖୋଜାଖୋଜି ପରେ ଡ୍ରେନ ରୁ ମିଳିଥିଲା ତାଙ୍କ ମୃତଦେହ । ସଙ୍ଗେସଙ୍ଗେ ପରିବାର ଲୋକେ ଉଦ୍ଧାର କରି ମେଡିକାଲ ନେବା ବେଳକୁ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ ।
ଏପରି ହୃଦୟ ବିଦାୟକ ଘଟଣା ସମସ୍ତଙ୍କୁ ବ୍ୟଥିତ କରିଛି। ଜୋସେଫ ସବୁବେଳେ ଭଲ ପାଠ ପଢୁଥିବା ବେଳେ ଆଜି ସବୁଦିନ ପାଇଁ ଛାଡି ଚାଲିଗଲା । ପୁଅକୁ ହରାଇବା ପରେ ଆଜି ଆତ୍ମହରା ହୋଇପଡିଛି ପରିବାର। ଅନ୍ୟପଟେ ଆଜି କଟକ ମହାନଗର ନିଗମର ଅପାରଗତା ପାଇଁ ଗୋଟିଏ ନିରୀହ ପିଲାର ଜୀବନ ଚାଲିଯାଇଥିବା କଥା ଅଭିଯୋଗ କରିଛନ୍ତି ସ୍ଥାନୀୟ ବାସିନ୍ଦା ।
ଇଟିଭି ଭାରତ, କଟକ
