କଟକ: ଦିନ ଦ୍ବିପ୍ରହରେ ରାଜରାସ୍ତାରେ ଲୁଟ । ଖୁଣ୍ଟୁଣୀ ଥାନା ଅନ୍ତର୍ଗତ ରାଧାକିଶୋରପୁର ନିକଟ 55ନଂ ଜାତୀୟ ରାଜପଥ ଓଭରବ୍ରିଜ ଉପରେ ଲୁଟ ଉଦ୍ୟମ । 2ଟି ପଲସରରେ ଆସି 4 ଦୁର୍ବୃତ୍ତ ଲୁଟିଛନ୍ତି 18 ଲକ୍ଷ ଟଙ୍କା ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ସୂଚନା ଅନୁଯାୟୀ ଏକ ଘରୋଇ କମ୍ପାନୀ କର୍ମଚାରୀ ଢେଙ୍କାନାଳ କାଇମାଟିରୁ ଭୁବନେଶ୍ବର ଯାଉଥିବା ସମୟରେ ଏହି ଲୁଟ ଉଦ୍ୟମ ହୋଇଥିଲା । 2ଟି ପଲସରରେ 4ଜଣ ଦୁର୍ବୃତ୍ତ ଆସି ତାଙ୍କଠାରୁ 18 ଲକ୍ଷ ଟଙ୍କା ନେଇ ଫେରାର ହୋଇଯାଇଥିଲେ । ଖବର ପାଇ ଉଭୟ ଖୁଣ୍ଟୁଣୀ ଓ ଗୁରୁଡିଝାଟିଆ ଥାନା ପୋଲିସ ଘଟଣାସ୍ଥଳରେ ପହଞ୍ଚି ତନାଘନା ଆରମ୍ଭ କରିଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
