କଟକ: ଶେଷ ହେଲା କଳାହାଣ୍ଡି କପ୍ । ଫାଇନାଲ ମ୍ୟାଚ୍ରେ ଭୁବନେଶ୍ବର ଏ କୁ ହରାଇ କଟକ ଏ ଚାମ୍ପିୟନ । ପ୍ରଥମେ ବ୍ୟାଟିଂ କରି ୨୦୮ ରନ କରିଥିଲା କଟକ ଏ । ଜବାବରେ ଭୁବନେଶ୍ବର ଏ କେବଳ ୧୫୭ ରନ କରିବାକୁ ସକ୍ଷମ ହେଇଥିଲା । ଫଳରେ ୫୧ ରନ୍ରେ ଭୁବନେଶ୍ବର ଏକୁ ହରାଇ କଳାହାଣ୍ଡି କପ୍ ହାତେଇଛି କଟକ ଏ ଦଳ ।
କଟକ ବିଡ଼ାନାସି ଗ୍ରାଉଣ୍ଡରେ ଖେଳାଯାଇଥିବା ଏହି ଫାଇନାଲ୍ ମ୍ୟାଚ୍ରେ କଟକ ଏ ଟିମ୍ ପ୍ରଥମେ ବ୍ୟାଟିଂ କରି ଚମତ୍କାର ପଦର୍ଶନ କରିଥିଲା । ୨ ଦିନିଆ ଏହି ଫାଇନାଲ ମ୍ୟାଚ୍ରେ ପ୍ରଥମେ ବ୍ୟାଟିଂ କରି କଟକ ଏ ୨୦୮ ରନ୍ର ବଡ଼ ସ୍କୋର କରିଥିଲା । ଜବାବରେ ୨୦୯ ବିଜୟ ଲକ୍ଷ୍ୟକୁ ପିଛା କରି ୧୫୭ ରନ୍ କରିବାକୁ ସକ୍ଷମ ହେଇଥିଲା ଭୁବନେଶ୍ବର ଏ । ତେବେ ଏହି ସିଜିନ୍ରେ ରାଜ୍ୟର ୩୭ଟି ଟିମ୍ ଭାଗନେଇଥିଲେ । କଳାହାଣ୍ଡି କପ୍ରେ ଭଲ ପ୍ରଦର୍ଶନ ହୋଇଥିବାରୁ ଆସନ୍ତା ରଣଜୀ ସିଜିନରେ ମଧ୍ୟ ଓଡିଶା ପାଇଁ ଭଲ ଖେଳ ପ୍ରଦର୍ଶନ କରିବା ନେଇ ଆଶା ରହିଥିବା କହିଛନ୍ତି ଉଭୟ ଦଳର ଅଧିନାୟକ ।
କଳାହାଣ୍ଡି କପ୍ ଉଦ୍ଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ଆଡ୍ଭୋକେଟ ଜେନେରାଲ ଅଶୋକ ପରିଜା ଯୋଗ ଦୋଇଥିଲେ । ଏହି ଅବସରରେ ସେ କହିଛନ୍ତି, "ଏହି ପ୍ରତିଯୋଗିତା ଏଜ ମଜଭୁତ ଓଡିଶା ଟିମ ଗଠନ କରିବାରେ ବେଶ ସହାୟକ ହେଉଛି । ଯେଉଁ ଖେଳାଳି ଭଲ ପଦର୍ଶନ କରୁଛି ସେମାନଙ୍କୁ ଟିମ୍ରେ ରଖିଲେ ଦଳ ଆହୁରି ଭଲ ପଦର୍ଶନ କରିବ । ଓଡିଶା କ୍ରିକେଟ୍ ସଙ୍ଘ ଭିଜନ ୨୦୨୪କୁ ଆଖି ଆଗରେ ରଖି ଅନେକ ପ୍ରତିଯୋଗିତାମୂଳକ କ୍ରିକେଟ୍ ଆୟୋଜନ କରୁଛି । ଯାହା ଭବିଷ୍ୟତରେ ଓଡିଶା ପାଇଁ ବେଶ ସହାୟକ ହେବ ।"
ଇଟିଭି ଭାରତ, କଟକ
