କଟକ: ଅଲମ୍ପିକ କ୍ବାଲିଫାୟାର ମ୍ୟାଚର ବିଜୟ ପରେ ଟୋକିଓ ଟିକେଟ ହାତେଇଛି ଭାରତ । ଉଭୟ ପୁରୁଷ ଓ ମହିଳା ଦଳ ଅଲମ୍ପିକ ଖେଳିବା ପାଇଁ ହୋଇଛନ୍ତି ଯୋଗ୍ୟ ବିବେଚିତ । ହେଲେ କହିବାକୁ ଗଲେ ମହିଳା ଦଳ ଅପେକ୍ଷା ପୁରୁଷ ଦଳରେ ସାମାନ୍ୟ ତ୍ରୁଟି ରହିଛି । ଯାହା ଦଳକୁ ଆଗମୀ ମ୍ୟାଚରେ ସାମାନ୍ୟ ଅସୁବିଧାରେ ପକାଇବା ନେଇ ଅନୁମାନ କରାଯାଉଛି ।
କଳିଙ୍ଗ ଷ୍ଟାଡିୟମରେ ଖେଳାଯାଇଥିବା ଅଲମ୍ପିକ କ୍ଵାଲିଫାୟାର ମ୍ୟାଚରେ ଟିମ ଇଣ୍ଡିଆ ଭଲ ପଦର୍ଶନ କରିଥିଲା । ହେଲେ ପେରନାଲଟି କର୍ଣ୍ଣରକୁ ଗୋଲରେ ପରିଣତ କରିବାରେ କେଉଁଠି ନା କେଉଁଟି ବିଫଳ ହେଇଥିଲା ଦଳ। ହେଲେ ଏହି ଦିଗରେ ହକି ଇଣ୍ଡିଆ ନିହାତି ଦୃଷ୍ଟି ଦେବା ଦରକାର । କାରଣ ଆଗକୁ ଆସୁଛି ଅନେକ ମେଗା ଇଭେଣ୍ଟ। ଏହାରି ଭିତରେ ଭାରତୀୟ ହକି ଦଳ ଯେମିତି ପଛରେ ନରହୁ ବୋଲି କହିଛନ୍ତି ହକି ଓଡିଶାର ସାଧାରଣ ସମ୍ପାଦକ।
ଏହାସହିତ ଦଳ ମଧ୍ୟରେ ଭଲ ବୁଝାମଣାର ମଧ୍ୟ ଆଵଶ୍ୟକତା ରହିଛି। ଯାହା ଆଗାମୀ ଦିନରେ ଭାରତକୁ ଟୋକିଓ ଅଭିଯାନରେ ସଫଳ କରାଇବ ବୋଲି ପ୍ରତିକ୍ରୟା ପ୍ରକାଶ କରିଛନ୍ତି ସାଧାରଣ ସମ୍ପାଦକ ପ୍ରତାପ ଶତପଥି।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
