କଟକ: ଗ୍ୟାଙ୍ଗଷ୍ଟାର ସକିଲର ପ୍ରେମିକା ଗିରଫ । ପ୍ରେମିକା ନସରିନ ଖାନକୁ ଗିରଫ କଲା ପୋଲିସ । ସ୍ପେଶାଲ ସ୍କ୍ବାର୍ଡ ଓ ଦରଘା ବଜାର ଥାନା ପୋଲିସର ମିଳିତ ଟିମ୍ ନସରିନକୁ ଗରିଫ କରିଛନ୍ତି । ଚୌଦ୍ବାର ଜେଲରେ ସକିଲକୁ ଭେଟିବାକୁ ଯାଇଥିବାବେଳେ ପୋଲିସ ନସରିନକୁ ଗିରଫ କରିଥିବା ଜଣାପଡିଛି ।
ନସରିନ ଜଣେ ଆଇନ ଛାତ୍ରୀ ହୋଇଥିବାବେଳେ ସକିଲର ଅନୁପସ୍ଥିତିରେ ନିଜର ପତିଆରା ଜାହିର କରିଥିଲା ପ୍ରେମିକା । ଜେଲରେ ସକିଲକୁ ବାରମ୍ବାର ଭେଟି ପ୍ରସ୍ତୁତ କରୁଥିଲା ବ୍ଲୁ ପ୍ରିଣ୍ଟ । ପୂର୍ବରୁ ଅନେକ ମାମଲାରେ ଗିରଫ ହୋଇ ଜେଲରେ ରହିଛି ମହମ୍ମଦ ସକିଲ ।
ସୂଚନାଯୋଗ୍ୟ, ଗତବର୍ଷ ଡିସେମ୍ବର ମାସରେ ଜଣେ ବ୍ୟବସାୟୀକୁ ଜେଲରେ ରହି ଫୋନ ଯୋଗେ 10 ଲକ୍ଷ ଟଙ୍କା ଦାଦାବଟି ମାଗିଥିଲା ସକିଲ । ଏହା ସହିତ ବଟି ନଦେଲେ ଜୀବନରୁ ମାରିଦେବାକୁ ଧମକ ମଧ୍ୟ ଦେଇଥିଲା । ଏହି ଘଟଣାରେ ଦରଘା ବଜାର ଥାନାରେ 2ଟି ମାମଲା ରୁଜୁ ହୋଇଥିବାବେଳେ ସକିଲର 5 ସହଯୋଗୀ ଗିରଫ ହୋଇଥିଲେ । ସେମାନଙ୍କ ଠାରୁ ଗୋଟିଏ ବନ୍ଧୁକ ଜବତ କରିଥିଲା ପୋଲିସ । ଯାହାକୁ ନସରିନ ଦେଇଥିବା ସୂଚନା ମିଳିଛି । ଏସବୁ କାରଣ ପାଇଁ ପୋଲିସ ତାକୁ ଗିରଫ କରିବା ସହ ପଚରାଉଚରା କରି କୋର୍ଟ ଚାଲାଣ କରିଛି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
