କଟକ: କରୋନାକୁ ରୋକିବା ପାଇଁ ଉଠା ବ୍ୟବସାୟୀଙ୍କୁ ଉଠାଇଲା ପୋଲିସ । ଜନ ସାମୂହିକ ସ୍ଥାନ ମାନଙ୍କରେ ନିଜ ବ୍ୟବସାୟ କରିଥିବା ଏହି ବ୍ୟବସାୟୀଙ୍କୁ ଶୁକ୍ରବାର ପୋଲିସ ଦୋକାନ ଉଠାଇବାକୁ ତାଗିଦ କରିଛି । ଏହି କ୍ରମରେ ବିଡାନାସୀ, ଦୋଳମୁଣ୍ଡାଇ, ବାରଵାଟୀ ଇତ୍ୟାଦି ଅଞ୍ଚଳରେ ଥିବା ଉଠା ବ୍ୟବସାୟୀଙ୍କୁ ତାଗିଦ ପରେ ସେମାନେ ନିଜ ବ୍ୟବସାୟକୁ ବନ୍ଦ କରିଛନ୍ତି । ତେବେ କରୋନାକୁ ପରାସ୍ତ କରିବା ପାଇଁ ଏହା ହେଉଛି ଏକ ବଡ଼ ମାଧ୍ୟମ ।
v
ସେପଟେ ପ୍ରଶାସନର ଏହି ପ୍ରକ୍ରିୟାକୁ ବ୍ୟବସାୟୀ ସ୍ବାଗତ କରିଥିବା ବେଳେ ପୂର୍ବରୁ ଏନେଇ ଅବଗତ କରାଇଥିଲେ ଭଲ ହୋଇଥାନ୍ତା ବୋଲି ପ୍ରତିକ୍ରିୟା ରଖିଛନ୍ତି । ଅତର୍କିତ ସେମାନଙ୍କୁ ଦୋକାନ ବନ୍ଦ କରିବାକୁ ନିର୍ଦ୍ଦେଶ ଦିଆଯିବାରୁ ସେମାନଙ୍କ ଅନେକ ଖାଇବା ନଷ୍ଟ ହୋଇଛି ବୋଲି କହିଛନ୍ତି । ସେହିପରି ଅନିର୍ଦ୍ଧିଷ୍ଟ କାଳ ପର୍ଯ୍ୟନ୍ତ ବେପାର ନହେଲେ ପରିବାର କେମିତି ଚାଲିବ ବୋଲି ମଧ୍ୟ ପ୍ରଶ୍ନ କରିଛନ୍ତି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
