ନିଆଳି: ରାଜଧାନୀ ଉପକଣ୍ଠ ସରକଣା ବଜାର ନିକଟରେ ଅଘଟଣ । ପେଟ୍ରୋଲ ନିଆଁରୁ ଅଗ୍ନିକାଣ୍ଡ ଘଟି ଗୋଟିଏ ପରିବାରର ପାଞ୍ଚଜଣ ଗୁରୁତର ଆହତ । ଗୁରୁବାର ରାତିରେ ଏହି ଘଟଣା ଘଟିଥିବା ସୂଚନା ମିଳିଛି । ସମସ୍ତ ଆହତକୁ ଭୁବନେଶ୍ୱର କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ଅବସ୍ଥା ଗୁରୁତର ହେବାରୁ ୪ଜଣଙ୍କୁ କଟକ ବଡ ମେଡିକାଲକୁ ସ୍ଥାନାନ୍ତରିତ କରାଯାଇଛି । ସମସ୍ତ ଆହତ ହେଉଛନ୍ତି ପାଳୁଣୀ ବେହେରା, ସୋମନାଥ ବେହେରା, ଶୁକଲତା ବେହେରା, ଚିତନ ବେହେରା ଓ ମିଲନ ବେହେରା ।
ସୂଚନା ଅନୁଯାୟୀ ଗୁରୁବାର ସୋମନାଥଙ୍କ ଘର ସମ୍ମୁଖରେ ଏକ ଦୋକାନରେ ହଠାତ୍ ବିସ୍ଫୋରଣ ହୋଇଥିଲା। ଫଳରେ ନିଆଁ ସୋମନାଥଙ୍କ ଘରକୁ ବ୍ୟାପି ଥିଲା। ସେପଟେ ସୋମନାଥଙ୍କ ଘରେ ସନ୍ଧ୍ୟା ସମୟରେ ପାଟିତୁଣ୍ଡ ହୋଇଥିଲା, କିଛି ଘଣ୍ଟା ପରେ ଏହି ଅଘଟଣ ଘଟିଥିବା କହିଛନ୍ତି ସ୍ଥାନୀୟ ଲୋକେ, ତେବେ ଏହି ଘଟଣାର ବାଳକାଟି ପୋଲିସ ଓ ବାଲିଅନ୍ତା ପୋଲିସ ପକ୍ଷରୁ ତଦନ୍ତ ଜାରି ରହିଛି।
