କଟକ: ବଦଳିଲା ମହାନଗର ଶାନ୍ତି କମିଟି ସମ୍ପାଦକ ପ୍ରଭାତ ତ୍ରିପାଠୀଙ୍କ ସ୍ୱର । ବାଲିଯାତ୍ରା ପରିଚାଳନା ନେଇ ଗତ ଶୁକ୍ରବାର ଜିଲ୍ଲାପାଳଙ୍କୁ ସମାଲୋଚନା କରୁଥିବା ପ୍ରଭାତଙ୍କ ସ୍ୱର ହଠାତ୍ ବଦଳିଲା କିପରି ? କାହିଁକି ନରମିଲା ପ୍ରଭାତଙ୍କ ସ୍ୱର ? କାହା ଚାପରେ ବଦଳିଲା ସ୍ୱର। ଏହାକୁ ନେଇ ଏବେ ଅନେକ ପ୍ରଶ୍ନବାଚୀ ସୃଷ୍ଟି କରିଛି ।
ଚଳିତବର୍ଷ କଟକ ବାଲିଯାତ୍ରା ପରିଚାଳନାରେ ବ୍ୟାପକ ଅନିୟମିତତା ହୋଇଥିବା କହିଥିଲେ ପ୍ରଭାତ । ହେଲେ ୨୪ ଘଣ୍ଟା ନପୁରୁଣୁ କାହିଁକି ବଦଳିଗଲା ସ୍ୱର ? କଟକ ଜିଲ୍ଲାପାଳଙ୍କୁ କଡା ସମାଲୋଚନା କରିଥିଲେ ଶାନ୍ତି କମିଟି ସମ୍ପାଦକ । ଏକ ସାମ୍ବାଦିକ ସମ୍ମିଳନୀରେ ଜିଲ୍ଲାପାଳଙ୍କ ବିରୋଧରେ ତୀବ୍ର ପ୍ରତିକ୍ରିୟା ପ୍ରକାଶ କରିଥିଲେ ପ୍ରଭାତ ।
୨୪ ଘଣ୍ଟା ନପୁରୁଣୁ ଜିଲ୍ଲାପାଳଙ୍କୁ ପ୍ରଶଂସାରେ ପୋତି ଦେବା ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି । ଭାଇରାଲ ହେଉଥିବା ଏହି ଭିଡ଼ିଓରେ କଟକ ଜିଲ୍ଳାପାଳଙ୍କୁ ପ୍ରଶଂସାରେ ପୋତି ଦେଉଛନ୍ତି ପ୍ରଭାତ । ଏପରିକି ଚଳିତବର୍ଷ ବାଲିଯାତ୍ରା, ଆଗାମୀ ୧୦୦ ବର୍ଷ ପାଇଁ ଉଦାହରଣ ସୃଷ୍ଟି ହେବ ବୋଲି କହିଛନ୍ତି ପ୍ରଭାତ ।
ଇଟିଭି ଭାରତ, କଟକ
