କଟକ: ନକଲି ବ୍ୟବସାୟର ପେଣ୍ଠସ୍ଥଳୀ ପାଲଟିଲାଣି ସିଲଭରସିଟି କଟକ । କାହିଁକି ଦିନକୁ ଦିନ ଅସଲି ଅପେକ୍ଷା ନକଲି ଉତ୍ପାଦନ ତିଆରି କରୁଥିବା କମ୍ପାନୀ ଉପରେ ଚଢାଉ ଜାରି ରଖିଛି ପୋଲିସ । ଗତ ଜାନୁଆରୀ ମାସରେ ଗୋପାଳପୁର ଅଞ୍ଚଳରେ ଠାବ ନକଲି ଚା ପତି କାରଖାନା ଉପରେ ଚଢାଉ କରିଥିଲା ସଦରଥାନା ପୋଲିସ । ପ୍ରାୟ ୧୦ କୁଇଣ୍ଟାଲରୁ ଊର୍ଦ୍ଧ୍ବ ନକଲି ଚା ଜବତ ହୋଇଥିବା ବେଳେ ଆଜି ସେଗୁଡିକୁ ଫୁଡ଼ ସେଫଟି ଅଫିସର, ମାଜିଷ୍ଟ୍ରେଟଙ୍କ ଉପସ୍ଥିତିରେ କାଠଯୋଡି ନଦୀ କୂଳରେ ବଡ଼ ବଡ଼ ଗର୍ତ୍ତରେ ପୋତି ଦେଇଛି କମିଶନରେଟ ପୋଲିସ ।
ନକଲି ଚା ପତିକୁ କୁ ମାଟିରେ ପୋତିଲା କମିଶନରେଟ ପୋଲିସ
ନକଲି ଚା ପତିର ଆନୁମାନିକ ମୂଲ୍ୟ ୩୫ଲକ୍ଷ ଟଙ୍କା ହେବ ବୋଲି ସ୍ପଷ୍ଟ କରିଛି ପୋଲିସ । ଗତ ଜାନୁଆରୀ ମାସରେ ଗୋପାଳପୁର ଅଞ୍ଚଳରେ ଠାବ କରାଯାଇଥିଲା ନକଲି ଚା ପତି କାରଖାନା । ଏଘଟଣାରେ ଦୁଇ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଥିଲା ପୋଲିସ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
