ନିଆଳି: ହାଇଓ୍ବା ଡ୍ରାଇଭରଙ୍କୁ ମାଡ ଘଟଣାରେ ଅଭିଯୁକ୍ତକୁ ଗିରଫ ଦାବିରେ ନିଆଳି ଥାନା ଆଗରେ ଡ୍ରାଇଭର ସଂଘର ଧାରଣା । କଟକ ଜିଲ୍ଲା ନିଆଳି ଥାନା ଜଲ୍ଲାରପୁର ନିକଟରେ ହାଇଓ୍ବା ଡ୍ରାଇଭର ପ୍ରକାଶ କୁମାର ମୁଦୁଲିଙ୍କୁ କିଛି ଯୁବକ ମାଡ ମାରିବା ସହ ଫୋନ୍, ଟଙ୍କା ଓ ଗାଡି ଚାବି ଛଡାଇ ନେଇଥିବା ସମ୍ପର୍କରେ ସେ ନିଆଳି ଥାନାରେ ଗତକାଲି(ରବିବାର) ଏତଲା ଦେଇଥିଲେ ।
ମାଡ ଅଭିଯୋଗରେ ନିଆଳି ଥାନା ଆଗରେ ଡ୍ରାଇଭର ସଂଘର ଧାରଣା
ହେଲେ ପୋଲିସ କୌଣଷି କାର୍ଯ୍ୟାନୁଷ୍ଠାନ ନେଇ ନଥିବାରୁ ଡ୍ରାଇଭର ସଂଘ ପକ୍ଷରୁ ଆଜି ନିଆଳି ଥାନା ସାମ୍ନାରେ ଧାରଣା ଦିଆଯିବା ସହ କାର୍ଯ୍ୟାନୁଷ୍ଠାନ ଦାବି କରାଯାଇଛି । ତେବେ ଗତକାଲି ଡ୍ରାଇଭର ଏକ ବାଲି ବୋଝେଇ ହାଇୱା ନେଇ ଆସୁଥିବା ବେଳେ କିଛି ଯୁବକ ତାଙ୍କୁ ଅଟକାଇ ମାଡ ମାରିଥିଲେ ।
ନିଆଳିରୁ ଉମେଶ ଚନ୍ଦ୍ର ମଲ୍ଲିକ, ଇଟିଭି ଭାରତ
