କଟକ: କିଶୋରନଗର ଯୁବତୀଙ୍କୁ ଦୁଷ୍କର୍ମ ଓ ହତ୍ୟା ଘଟଣାର ଅଭିଯୁକ୍ତକୁ ଆଜୀବନ କାରାଦଣ୍ଡରେ ଦଣ୍ଡିତ କଲେ କଟକ ଜିଲ୍ଲା ଦୌରାଜଜ ବାଳକୃଷ୍ଣ ମହାପାତ୍ର ।
ଘଟଣାଟି ଘଟିଥିଲା 2013 ସେପ୍ଟେମ୍ବର 24ରେ। କିଶୋର ନଗର ଥାନା ଅଧୀନରେ ଜଣେ 25 ବର୍ଷିୟା ଯୁବତୀ ସାଇକେଲ ଯୋଗେ ବଜାରରୁ ଘରକୁ ଫେରୁଥିବାବେଳେ ଅଧାବାଟରେ ତାଙ୍କୁ ଦୁଷ୍କର୍ମ କରାଯାଇ ହତ୍ୟା କରାଯାଇଥିଲା । ଅଭିଯୁକ୍ତ ବାବୁନା ଓରଫ ଦୁର୍ଗା ପ୍ରସାଦ ଦାଶ ଦୁଷ୍କର୍ମ ଓ ହତ୍ୟା କରିବା ପରେ ପ୍ରମାଣ ନଷ୍ଟ ପାଇଁ ଯୁବତୀଙ୍କୁ ମହାନଦୀରେ ଫିଙ୍ଗି ଦେଇଥିଲେ ।
ମାମଲାର ଶୁଣାଣି ବେଳେ 24 ଜଣ ସାକ୍ଷୀ, ଜିଲ୍ଲା ଓ ଦୌରାଜଜଙ୍କ ଅଦାଲତରେ ସାକ୍ଷ୍ୟ ପ୍ରଦାନ କରିଥିଲେ। ସାକ୍ଷୀ ପ୍ରମାଣକୁ ଭିତ୍ତି କରି ଜିଲ୍ଲା ଦୌରାଜଜ୍, ଦୁର୍ଗା ପ୍ରସାଦ ଦାସଙ୍କୁ ହତ୍ୟା ମାମଲାରେ ଆଜୀବନ କାରାଦଣ୍ଡ, ପ୍ରମାଣ ନଷ୍ଟ କରିବା ଅଭିଯୋଗରେ 3 ବର୍ଷ କାରାଦଣ୍ଡ ଓ ଦୁଷ୍କର୍ମ ମାମଲାରେ 10 ବର୍ଷ କାରାଦଣ୍ଡରେ ଦଣ୍ଡିତ କରିଛନ୍ତି । ସରକାରଙ୍କ ପକ୍ଷରୁ କ୍ଷେତ୍ର ମୋହନ ବେହେରା ମାମଲା ପରିଚାଳନା କରୁଥିଲେ।
କଟକରୁ ନାରାୟଣ ସାହୁ, ଇଟିଭି ଭାରତ
