କଟକ ଚଣ୍ଡୀଙ୍କ ଦର୍ଶନରୁ ଆରମ୍ଭ ହେଲା ନୂଆ ବର୍ଷ

2023ର ପ୍ରଥମ ଦିନକୁ ଭଗବାନଙ୍କ ଚରଣରେ ସମର୍ପିତ କରିଛନ୍ତି କଟକବାସୀ। ମାଆ କଟକ ଚଣ୍ଡୀଙ୍କୁ ଦର୍ଶନ କରି ନୂଆବର୍ଷ ଆରମ୍ଭ କରିଛନ୍ତି ଭକ୍ତ। ଅଧିକ ପଢନ୍ତୁ

କଟକ: ନୂଆବର୍ଷରେ ନୂଆ ଆଶା। 2023ର ପ୍ରଥମ ଦିନକୁ ଭଗବାନଙ୍କ ଚରଣରେ ସମର୍ପିତ କରିଛନ୍ତି କଟକବାସୀ । ସହରର ଆରାଧ୍ୟା ଦେବୀ ମାଆ କଟକ ଚଣ୍ଡୀଙ୍କ ଦର୍ଶନ କରିଛନ୍ତି ହଜାରହଜାର ଶ୍ରଦ୍ଧାଳୁ । ଅନ୍ୟପଟେ ଶାମ୍ବ ଦଶମୀ ରହିଥିବାରୁ ଏହି ଦିନକୁ ବେଶ ଭକ୍ତି ଆଡମ୍ବର ଭାବରେ ପାଳନ କରିଛନ୍ତି କଟକିଆ ।

ସକାଳୁ ଉଠି ପ୍ରଥମେ ମାଆ କଟକ ଚଣ୍ଡୀ ଓ ଅନ୍ୟାନ୍ୟ ମନ୍ଦିରରେ ପ୍ରଭୁଙ୍କ ନିକଟରେ ପୂଜା ଓ ଦର୍ଶନ କରି ଆଶୀର୍ବାଦ ଲୋଡିଛନ୍ତି ସମସ୍ତେ । ସମସ୍ତଙ୍କ ମନରେ ନୂଆ ଆଶା ଓ ଉଦ୍ଦିପନା । ତେବେ ଏହି ଆଶାକୁ ସଫଳ କରିବା ପାଇଁ ମାଆ କଟକ ଚଣ୍ଡୀ ଙ୍କ ନିକଟରେ ଆଶୀର୍ବାଦ ଲୋଡିଛନ୍ତି ଭକ୍ତ ।

ଇଟିଭି ଭାରତ, କଟକ