କଟକ: ନରସିଂହପୁର ବନବିଭାଗର ପଶ୍ଚିମ ବନାଞ୍ଚଳ ଅନ୍ତର୍ଗତ ବାଲିକିଆରୀ ରେଞ୍ଜରୁ 10 କେଜି କୁଟୁରା ମାଂସ ଓ ଚୋରା ଦେଶୀ ବନ୍ଧୁକ ସହିତ ଜଣେ ଶିକାରୀକୁ ଗିରଫ ହୋଇଛି ବନ ବିଭାଗ । ଏନେଇ ନରସିଂହପୁର ପଶ୍ଚିମ ବନାଞ୍ଚଳ ରେଞ୍ଜର ଅଶୋକ କୁମାର ବେହେରା ସୂଚନା ଦେଇଛନ୍ତି ।
କୁଟୁରା ମାଂସ ଜବତ, ବନ୍ଧୁକ ସହ ଶିକାରୀ ଗିରଫ
ମିଳିଥିବା ସୂଚନା ଅନୁଯାୟୀ ବାଲିକିଆରୀ ଗ୍ରାମର ସତ୍ୟବାଦୀ ବେହେରା ନିଜ ପାଖରେ ରଖିଥିବା ଏକ ଚୋରା ଦେଶୀ ବନ୍ଧୁକରେ କୁଟୁରା ଶିକାର କରି ଘରକୁ ଆଣିଥିଲା । ବିଶେଷ ସୂତ୍ରରୁ ଖବର ପାଇ ପଶ୍ଚିମାଞ୍ଚଳ ବନ ଅଧିକାରୀ ଅଶୋକ କୁମାର ବେହେରା ବନ କର୍ମଚାରୀଙ୍କ ଏକ ଟିମ ନେଇ ବାଲିକିଆରୀ ଯାଇ ସତ୍ୟବାଦୀ ବେହେରା ମାଂସ କାଟୁଥିବା ବେଳେ ଗିରଫ କରିଥିଲେ । ଗିରଫ ସମୟରେ ବନ ବିଭାଗର ଅଧିକାରୀମାନେ ସତ୍ୟବାଦୀଙ୍କ ଠାରୁ ଏକ ଚୋରା ଦେଶୀ ବନ୍ଧୁକ ଜବତ କରିଥିବା ବେଳେ 10 କେଜି କୁଟୁରା ମାଂସକୁ ମଧ୍ୟ ଜବତ କରିଥିଲେ । ଜବତ କରିଥିବା ମାଂସକୁ ବନ ବିଭାଗ ଅଧିକାରୀ ପୋତି ଦେଇଥିବା ସୂଚନା ମିଳିଛି ।
କଟକରୁ ନାରାୟଣ ସାହୁ, ଇଟିଭି ଭାରତ
