କଟକ: ସିଲଭର ସିଟିରେ ଜମି ଜାଲିଆତି । ତାହା ପୁଣି ଗରିବ ଅନୁସୂଚିତ ଜାତିଙ୍କ ପାଖରୁ । ବିନା ନୋଟିସରେ ଗାଏବ ହୋଇଯାଇଛି ସେମାନଙ୍କ 180 ଏକର ଜମି । ଯାହାକୁ ନେଇ ମୁଣ୍ଡରେ ହାତ ଦେଇଛନ୍ତି ଅନୁସୂଚିତ ଜାତିର ଜମି ମାଲିକ । ତେବେ ଏନେଇ ମଙ୍ଗଳବାର ଭିଜିଲାନ୍ସ ଡିଜିଙ୍କ ଦ୍ବାରସ୍ତ ହୋଇଛନ୍ତି ଏହି ଅନୁସୂଚିତ ଜାତିର ଜମି ମାଲିକ ।
ସୂଚନା ଅନୁସାରେ, କଟକ ସିଡିଏ ସେକ୍ଟର 13ରେ ଅନୁସୂଚିତଙ୍କ ଥିବା 180 ଏକର ଜମିକୁ ଜାଲିଆତି କରି ଲୁଟ କରିଛନ୍ତି ସରକାରୀ ବାବୁ । ଯାହାର ଆନୁମାନିକ ମୂଲ୍ୟ ପ୍ରାୟ 3000 କୋଟି ହେବ । ଏପିରିକି ଜମି ବିକା ସରି 200 କୋଟି ଟଙ୍କା ଉଠା ସରିଥିଲେ ବି ଏହାର କୌଣସି ଖୋଜ ଖବର ପାଇନାହାଁନ୍ତି ଏହି ନିରୀହ ଲୋକମାନେ ।
ଏହି ଆଧାରରେ ନ୍ୟାୟ ପାଇବା ପାଇଁ ଡିଜିଙ୍କୁ ଭେଟି ଦାବି ଜଣାଇଛି ଅନୁସୂଚିତ ଜାତି ସଂଘ । ତେବେ ଏହି ମହାଦୁର୍ନୀତିର ଶିକାର ହୋଉଥିବା ଅନୁସୂଚିତ ଜାତିଙ୍କୁ କେବେ ନ୍ୟାୟ ମିଳିବ ବୋଲି ଅଭିଯୋଗ କରିଛନ୍ତି ରାଷ୍ଟ୍ରୀୟ ପଛୁଆ ବର୍ଗ ମହାସଂଘର ରାଜ୍ୟ ପ୍ରଭାରୀ ସଂଜୀବ ସାମଲ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
