କଟକ: ଦୀର୍ଘ ଦିନ ଧରି ସ୍କୁଲରେ ପହଞ୍ଚିନି ବିଦ୍ୟୁତ ସେବା । ଏହେଉଛି ସିଲଭର ସିଟି କଟକରେ ଥିବା ଓଏମପି ଷଷ୍ଠ ବାଟାଲିଆନ ସ୍କୁଲର ଦୃଶ୍ୟ । ବାତ୍ୟା ‘ଫନି’ ଯିବାର ଅନେକ ଦିନ ବିତିଯାଇଥିଲେ ସୁଦ୍ଧା ଏଯାବତ ସ୍କୁଲରେ ବିଦ୍ୟୁତ ସେବା ପହଞ୍ଚି ନଥିବାରୁ ରାସ୍ତାରେ ଧାରଣା ଦେଇଛନ୍ତି ସ୍କୁଲ ଛାତ୍ରଛାତ୍ରୀ ।
ସୂଚନା ମୁତାବକ, ଉଚ୍ଚ ବିଦ୍ୟାଳୟରେ ‘ଫନି’ ବାତ୍ୟା ଠାରୁ ବିଦ୍ୟୁତ କଟିଯାଇଛି । ହେଲେ ଏଯାବତ୍ କୌଣସି ପଦକ୍ଷେପ ନେଉନାହାଁନ୍ତି ପ୍ରଧାନ ଶିକ୍ଷୟିତ୍ରୀ। ତେବେ ଆଜି(ବୁଧବାର) ପିଲାମାନେ ଏହି ସମସ୍ୟାକୁ ନେଇ ପ୍ରଧାନଶିକ୍ଷୟିତ୍ରୀ ପାଖରେ ଅଭିଯୋଗ କରିଥିଲେ । ମାତ୍ର ସେଠାରେ ଶିକ୍ଷୟିତ୍ରୀ ସେମାନଙ୍କୁ ମାଙ୍କୁ ମାଡ ମାରିଥିବାର ଅଭିଯୋଗ ଆସିଛି ।
ସ୍କୁଲର ବିଭିନ୍ନ ସମସ୍ୟା ଓ ପ୍ରଧାନ ଶିକ୍ଷୟିତ୍ରୀଙ୍କ ଏକମୁଖୀ ଶାସନ ପ୍ରତିବାଦରେ ବିଦ୍ୟାଳୟର ସମସ୍ତ ଛାତ୍ରଛାତ୍ରୀ ଜାତୀୟ ରାଜପଥ ଅବରୋଧ କରିବା ସହ ବିଦ୍ୟାଳୟ ସମ୍ମୁଖରେ ଧାରଣା ଦେଇଥିଲେ।
ଏହାପରେ ପୋଲିସ ଘଟଣା ସମ୍ପର୍କରେ ସୂଚନା ପାଇଁ ଘଟଣାସ୍ଥଳରେ ପହଞ୍ଚିବା ସହ ଛାତ୍ରଛାତ୍ରୀଙ୍କୁ ବୁଝାସୁଝା କରି ଅବରୋଧ ହଟାଇଥିଲା।
କଟକରୁ ପ୍ରଭୁକଲ୍ୟାଣ ପାଲ୍, ଇଟିଭି ଭାରତ
