ଆରପାରିରେ କଟକ ପ୍ରଥମ ମେୟର ନିବେଦିତା ପ୍ରଧାନ

କଟକର ପ୍ରଥମ ମେୟର ନିବେଦିତା ପ୍ରଧାନଙ୍କ ପରଲୋକ । ତାଙ୍କର ବିୟୋଗରେ ମ୍ରିୟମାଣ ହୋଇପଡିଛି ପୁରା କଟକ । ଅଧିକ ପଢନ୍ତୁ

କଟକ: ଆରପାରିରେ କଟକର ପ୍ରଥମ ମେୟର ନିବେଦିତା ପ୍ରଧାନ । ତାଙ୍କର ବିୟୋଗରେ ମ୍ରିୟମାଣ ହୋଇପଡିଛି ପୁରା କଟକ । ଓଡ଼ିଶାର ବରିଷ୍ଠ ବିଜେପି ନେତ୍ରୀ ସହ ପୂର୍ବତନ ବିଧାୟିକା ଥିଲେ ନିବେଦିତା । ଏହାସହ କଟକର ପ୍ରଥମ ମେୟର ଭାବେ ବେଶ ଖ୍ୟାତି ଅର୍ଜନ କରିଥିଲେ ନିବେଦିତା ପ୍ରଧାନ । ତେବେ ତାଙ୍କର ଆଜି ଏକ ଘରୋଇ ହସ୍ପିଟାଲରେ ଦେହାନ୍ତ ହୋଇଛି । ଅନେକ ଦିନ ଧରି ସେ ରୋଗାକ୍ରାନ୍ତ ଥିଲେ । ଆଉ ଆଜି ସନ୍ଧ୍ୟାରେ ତାଙ୍କର ସ୍ବର୍ଗବାସ ହୋଇଯାଇଛି ।

ତାଙ୍କ ବିୟୋଗରେ କଟକ ସହରର ଅପୂରଣୀୟ କ୍ଷତି ହୋଇଛି ବୋଲି କହିଛନ୍ତି କଟକବାସୀ । ଦେହାନ୍ତ ଖବର ପାଇ ଘରୋଇ ହସ୍ପିଟାଲ ପରିସରରେ କଟକର ମେୟରଙ୍କ ସମେତ ଶତାଧିକ ରାଜନୈତିକ ଦଳର ବ୍ୟକ୍ତି ବିଶେଷ ଓ କଟକ ବାସିନ୍ଦା ଶେଷଦର୍ଶନ କରିବା ପାଇଁ ଆସି ପହଞ୍ଚିଛନ୍ତି । ଦେହାନ୍ତ ଖବର ଖେଳିଯିବା ପରେ ସବୁ ଆଡ଼େ ଶୋକର ଛାୟା ଖେଳିଯାଇଛି । ତେବେ ତାଙ୍କର ମୃତଦେହକୁ କଟକର ବିଭିନ୍ନ ଛକକୁ ନିଆଯିବ । ଶେଷରେ ସିଏମ୍‌ସି କାର୍ଯ୍ୟଳୟ ବାସ ଭବନ ନିଆଯିବ । ଏହପରେ ଖାନନଗରରେ ଶେଷକୃତ୍ୟ ସମ୍ପନ୍ନ ହେବା ନେଇ ପରିବାର ପକ୍ଷରୁ ସୂଚନା ମିଳିଛି ।
ଏହା ବି ପଢନ୍ତୁ.. ଆରପାରିରେ ବରିଷ୍ଠ କଂଗ୍ରେସ ନେତା ଅଶୋକ ସାମଲ

ପ୍ରଥମ ମେୟର ନିବେଦିତା ପ୍ରଧାନ: 1963 ମସିହାରେ କଟକର ମହତାବ ରୋଡ଼ରେ ଜନ୍ମ ଗ୍ରହଣ କରିଥିଲେ ପୂର୍ବତନ ମେୟର ନିବେଦିତା ପ୍ରଧାନ । ମୃତ୍ୟ ବେଳକୁ ତାଙ୍କୁ 60 ବର୍ଷ ହୋଇଥିଲା । 2000ରୁ 2004 ପର୍ଯ୍ୟନ୍ତ ସେ ଭାରତୀୟ ଜନତା ପାର୍ଟିର ବିଧାୟିକା ରହିଥିଲେ । ଏହାସହ 2003ରୁ 2008 କଟକ ମହାନଗର ନିଗମର ମେୟର ମଧ୍ୟ ରହିଥିଲେ ନିବେଦିତା । ସେ କଟକର ଅତ୍ୟନ୍ତ ଲୋକପ୍ରିୟ ମେୟର ଥିଲେ । ତେବେ 2000 ମସିହାରେ କଟକ ସଦର ନିର୍ବାଚନ ମଣ୍ଡଳୀରୁ ବିଧାୟିକା ଭାବରେ ନିର୍ବାଚିତ ହୋଇଥିବା ବେଳେ 2004 ମସିହାରେ ମହାନଗର ନିଗମ ଗଠନ ପରେ ପ୍ରଥମ ମେୟର ହୋଇଥିଲେ । ସ୍ବର୍ଗତ ନିବେଦିତା ପ୍ରଧାନ ଅବିବାହିତ ଥିଲେ ।

ଇଟିଭି ଭାରତ, କଟକ