କଟକ: ଚୌଦ୍ବାର ଅଞ୍ଚଳରୁ ଜଣେ ଯୁବକଙ୍କ ରକ୍ତ ଜୁଡୁବୁଡୁ ଅବସ୍ଥାରେ ମୃତଦେହ ଉଦ୍ଧାର ଘଟଣାରେ ପ୍ରତିକ୍ରିୟା ରଖିଛନ୍ତି କଟକ ଡିସିପି ପିନାକ ମିଶ୍ର । ପରିବାର ଲୋକଙ୍କ ଏତଲା କ୍ରମେ ଥାନାରେ ଆଇପିସିର ଧାରା ୩୦୨ରେ ମାମଲା ରୁଜ୍ଜୁ କରାଯାଇ ଘଟଣାର ତଦନ୍ତ କରାଯାଉଛି । ସମସ୍ତ ଦିଗକୁ ଧ୍ୟାନ ରଖି ଘଟଣାର ତଦନ୍ତ କରାଯାଉଛି । ତେବେ ମୃତଦେହ ବ୍ୟବଚ୍ଛେଦ ରିପୋର୍ଟ ଆସିଲେ ପ୍ରକୃତ ଘଟଣା ଜଣାପଡିବ ବୋଲି ଡିସିପି କହିଛନ୍ତି ।
ସେହିପରି ଘଟଣାସ୍ଥଳରେ ସାଇଣ୍ଟିଫିକ ଟିମ, ଡ୍ରଗ ସ୍କ୍ବାର୍ଡ ପହଞ୍ଚି ଘଟଣାର ଯାଞ୍ଚ କରିଛି । ତେବେ ଗତକାଲି(ମଙ୍ଗଳବାର) ରାତ୍ରିରେ ଏକ ଅଟୋ ଦୁର୍ଘଟଣାର ଖବର ପାଇ ଘଟଣାସ୍ଥଳକୁ ଯାଇଥିଲା ପୋଲିସ । ମାତ୍ର ସେଠାରେ କୌଣସି ତଥ୍ୟ ମିଳିନଥିଲା । ଆଜି ସକାଳୁ ଚୌଦ୍ବାର ଥାନା ଅଞ୍ଚଳରେ ଜଣେ ଯୁବକଙ୍କ ମୃତଦେହ ମିଳିଥିଲା ଏବଂ ଉକ୍ତ ମୃତଦେହଟି ଗତକାଲି ଦୁର୍ଘଟଣା ଖବର ସହ ସାମଞ୍ଜସ୍ୟ ରହିଥିବା କୁହାଯାଇଛି । କିନ୍ତୁ, ଏହା ହତ୍ୟା ନାଁ ଦୁର୍ଘଟଣା ତଦନ୍ତ ପରେ ସ୍ପଷ୍ଟ ହେବ ବୋଲି ଡିସିପି କହିଛନ୍ତି ।
ଇଟିଭି ଭାରତ, କଟକ
