କଟକ: ପାର୍ବଣ ଋତୁ ଆରମ୍ଭରୁ କଟକରେ ଗଡ଼ିଛି ମୁଣ୍ଡ। ବିଚ ରାସ୍ତା ଉପରେ କୁଖ୍ୟାତ ଅପରାଧୀକୁ ମାରଣାସ୍ତ୍ରରେ ହତ୍ୟା । କୁଖ୍ୟାତ ଅପରାଧୀ ହାଡ଼ିଆ ଓରଫ ପ୍ରକାଶ ବେହେରାକୁ ହତ୍ୟା କରିଛନ୍ତି କିଛି ଦୁର୍ବୃତ୍ତ। ତେବେ ଏହି ଘଟଣାର ତଦନ୍ତ ପାଇଁ ଆଜି(ଗୁରୁବାର) ଘଟଣାସ୍ଥଳରେ କଟକ ଡିସିପି ପ୍ରତୀକ ସିଂହ ପହଞ୍ଚି ନିଜେ ତଦନ୍ତ କରିଛନ୍ତି ।
କୁଖ୍ୟାତ ଅପରାଧୀ ହାଡ଼ିଆ ହତ୍ୟାକାଣ୍ଡ ମାମଲା
ଡ୍ରଗ୍ସ ସ୍କ୍ବାର୍ଡ, ସାଇଣ୍ଟିଫିକ ଟିମ ବି ଘଟଣାସ୍ଥଳରେ ପହଞ୍ଚି ଛାନଭିନ ଆରମ୍ଭ କରିଛନ୍ତି। ପୂର୍ବ ଶତ୍ରୁତାକୁ କେନ୍ଦ୍ର କରି ହାଡ଼ିଆକୁ ହତ୍ୟା କରାଯାଇଥିବା ପ୍ରାଥମିକ ତଦନ୍ତରୁ ପୋଲିସ ଜାଣିବାକୁ ପାଇଛି ।
ତେବେ ଏହି ଘଟଣାରେ ଥିବା ପ୍ରତ୍ୟକ୍ଷଦର୍ଶୀଙ୍କ ବୟାନକୁ ଭିତ୍ତି କରି ତଦନ୍ତ କରାଯାଉଛି। ଖୁବଶୀଘ୍ର ଅପରାଧୀଙ୍କୁ ଗିରଫ କରାଯିବ ବୋଲି କଟକ ଡିସିପି କହିଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
