କଟକ: ଏସସିବି ମେଡିକାଲରେ ରହିବେନି କୋରୋନା ଆକ୍ରାନ୍ତ । ସେମାନଙ୍କୁ ସେଠାରେ ମଧ୍ୟ କରାଯିବନି ଚିକିତ୍ସା । ମେଡିକାଲରେ ସଂକ୍ରମଣର ଆଶଙ୍କା ରହୁଥିବାରୁ ଏପରି ନିଷ୍ପତି ନେଇଛନ୍ତି ମେଡିକାଲ କର୍ତ୍ତୃପକ୍ଷ ।
ରକ୍ତ ନମୁନା ଓ ସ୍ୱାବ ଟେଷ୍ଟ ପରେ ଆକ୍ରାନ୍ତଙ୍କୁ ସ୍ୱତନ୍ତ୍ର ଆମ୍ବୁଲାନ୍ସ ଯୋଗେ ସିଡିଏ ସ୍ଥିତ ଅଶ୍ୱିନୀ ହସ୍ପିଟାଲକୁ ପଠାଯିବ ବୋଲି ମେଡିକାଲ ପକ୍ଷରୁ ସୂଚନା ମିଳିଛି । ଏହାସହ ଗତକାଲି 5 ଆକ୍ରାନ୍ତଙ୍କୁ ଅଶ୍ୱିନୀ ମେଡିକାଲକୁ ସ୍ଥାନାନ୍ତରିତ କରାଯାଇଛି।
ତେବେ ଏସସିବିରେ ସଂକ୍ରମଣ ଆଶଙ୍କା ଅଧିକ ରହିଛି । ଏହାସହ ଏସସିବି କୁ ସମ୍ପୂର୍ଣ୍ଣ ରୂପେ ସାନିଟାଇଜ କରାଯାଇଛି । ସଂକ୍ରମଣକୁ ରୋକିବା ପାଇଁ ଏପରି ନିଷ୍ପତି ନେଇଛି ଜିଲ୍ଲା ପ୍ରଶାସନ । ତେବେ ବିଶେଷ କରି କାଜୁଆଲଟି ଠାରୁ ଆରମ୍ଭ କରି ଓପିଡି ପର୍ଯ୍ୟନ୍ତ ସବୁଠି ସିଞ୍ଚନ କରାଯାଇଛି ସାନିଟାଇଜର । ଯାହାଦ୍ୱାରା କୋରୋନା ଭୁତାଣୁକୁ ସଫା କରିହେବ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
