କଟକ: ଆସନ୍ତାକାଲି(ଗୁରୁବାର) ଠାରୁ ସାରା ଦେଶରେ ପଲଥିନ ବ୍ୟବହାର ଉପରେ କଟକଣା ଲାଗୁ କରାଯିବ । ଏହି କ୍ରମରେ କଟକ ମହାନଗର ନିଗମରେ ମଧ୍ୟ ଏହି କଟକଣା ଲାଗୁ କରାଯିବ ବୋଲି ସିଏମସି କମିଶନର କହିଛନ୍ତି । ସବୁଠାରୁ ବଡ଼ କଥା ହେଉଛି ପଲଥିନର ବିକଳ୍ପ କ’ଣ ରଖାଯିବ ସେନେଇ ସିଏମସି ଯୋଜନା କରୁଥିବା କମିଶନର କହିଛନ୍ତି । ସାଧାରଣ ଜନତାଙ୍କ ସୁବିଧାକୁ ପ୍ରଥମେ ଅଗ୍ରାଧିକାର ଦିଆଯିବ ବୋଲି କମିଶନର ସୂଚନା ଦେଇଛନ୍ତି ।
ପଲଥିନର ବିକଳ୍ପ ଆଣିବା ପାଇଁ ଯୋଜନା କରୁଛି ସିଏମସି, କମିଶନର
ଏହାର ବିକଳ୍ପ ସଦୃଶ ଏପରି କରାଯିବ ଯେପରିକି ସାଧାରଣ ଜନତା ପଲଥିନକୁ ଆପେ ଆପେ ଭୁଲିଯିବେ । ସେନେଇ ଅନେକ ବ୍ୟକ୍ତି ବିଶେଷଙ୍କ ସହ ଆଲୋଚନା କରାଯାଉଛି । ତେବେ ଗତକାଲି ଠାରୁ, ପଲଥିନ ବ୍ୟବହାର ନିଷେଧ ଉପରେ ଯଦିଓ ସିଏମସି ଧ୍ୟାନ ଦେବ ମାତ୍ର ପ୍ରଥମରୁ ଚଢ଼ାଉ ପ୍ରକ୍ରିୟା ଜୋରଦାର କରାଯିବ ନାହିଁ ବୋଲି କମିଶନର ସ୍ପଷ୍ଟ କରିଛନ୍ତି । ସେହିପରି ପଲଥିନ ଯେଉଁଠାରେ ପ୍ରସ୍ତୁତ କରାଯାଉଛି ସେଠାରେ ହିଁ ପ୍ରଥମେ ଚଢ଼ାଉ କରାଯିବ ବୋଲି କମିଶନର ସୂଚନା ଦେଇଛନ୍ତି ।
ଇଟିଭି ଭାରତ, କଟକ
