କଟକ: ପିପିଲି ଥାନାରେ ଅପରାଧୀଙ୍କୁ ଥାର୍ଡ ଡ଼ିଗ୍ରୀ ଅଭିଯୋଗ ଘଟଣାର ତଦନ୍ତ ପାଇଁ ପୋଲିସ ଡିଜି ନିର୍ଦ୍ଦେଶ ଦେଇଛନ୍ତି । କଟକ କେନ୍ଦ୍ରାଞ୍ଚଳ ଡ଼ିଆଇଜିଙ୍କୁ ତଦନ୍ତ ଦାୟିତ୍ବ ଦେଇଛନ୍ତି ପୋଲିସ ଡିଜି । ବିଭିନ୍ନ ଗଣମାଧ୍ୟମରେ ପ୍ରକାଶିତ ଖବର ଆଧାରରେ ତଦନ୍ତ ନିର୍ଦ୍ଦେଶ ଦେଇଛନ୍ତି ପୋଲିସ ଡିଜି ।
ସୂଚନା ଅନୁସାରେ, ପୁରୀ ହାଜତ ମୃତ୍ୟୁ ପ୍ରସଙ୍ଗରେ ଏସପିଙ୍କ ନିଲମ୍ବନ ଓ ମୃତକଙ୍କ ପରିବାରକୁ କୋଟିଏ ଟଙ୍କା କ୍ଷତିପୂରଣ ଦାବି କରିଛି ବିଜେପି । ଏନେଇ ଶୁକ୍ରବାର ବିଜେପି ପକ୍ଷରୁ ଦୋଷୀ ପୋଲିସ କର୍ମଚାରୀଙ୍କ ବିରୋଧରେ କଡା କାର୍ଯ୍ୟନୁଷ୍ଠାନ ଦାବିରେ ପୁରୀ ଏସପିଙ୍କ କାର୍ଯ୍ୟାଳୟ ଆଗରେ ଧାରଣା ଦିଆଯାଇଥିଲା ।
ସେହିପରି ଶନିବାର ଗୃହରେ ମଧ୍ୟ ହାଜତ ମୃତ୍ୟୁ ପ୍ରସଙ୍ଗକୁ କେନ୍ଦ୍ର କରି ବାରମ୍ବାର ଗୃହ ମୁଲତବୀ ରହିବା ସହ ବିରୋଧୀ ମାନେ ହଟ୍ଟଗୋଳ କରିଥିଲେ ।
କଟକରୁ ନାରାୟଣ ସାହୁ, ଇଟିଭି ଭାରତ
