କଟକ: ଐତିହାସିକ ବାଲିଯାତ୍ରାରେ ପଡିବନି ବାତ୍ୟା ବୁଲବୁଲର ପ୍ରଭାବ । ବାଲିଯାତ୍ରାରେ ବାତ୍ୟା ବୁଲବୁଲର ପ୍ରଭାବକୁ ନେଇ କଟକ ଜିଲ୍ଲାପାଳଙ୍କ ସୂଚନା । ସମ୍ଭାବ୍ୟ ବାତ୍ୟାକୁ ନେଇ ଏସଆରସିଙ୍କ ସୂଚନା ପରେ ବାତ୍ୟା ପ୍ରଭାବରେ ରାଜ୍ୟର କିଛି ସ୍ଥାନରେ ବର୍ଷା ହେବ । ଏଥିପାଇଁ ପ୍ରଶାସନ ସମୂର୍ଣ୍ଣ ସଜାଗ ରହିଥିବା କଟକ ଜିଲ୍ଲାପାଳ ଭବାନୀ ଶଙ୍କର ଚୟିନୀ ସୂଚନା ଦେଇଛନ୍ତି ।
ବାଲିଯାତ୍ରାରେ ବୁଲବୁଲର ପ୍ରଭାବ
ସେ କହିଛନ୍ତି ଯେ, ଏଯାବତ ସରକାରୀ ସ୍ତରରେ କଟକ ଜିଲ୍ଲାକୁ କୌଣସି ପ୍ରକାର ସତର୍କତା ଦିଆଯାଇନି । ତଥାପି ଆମେ ପ୍ରସ୍ତୁତ ରହିଛୁ ବୋଲି ଜିଲ୍ଲାପାଳ କହିଛନ୍ତି ।
ତେବେ ଆସନ୍ତା ୮ ତାରିଖ ଯାଏଁ ପାଗ ଶୁଖିଲା ରହିବା ସହ ୯ ତାରିଖରୁ ୨ ଦିନ ବର୍ଷା ହେବ । ଏହାର ପ୍ରଭାବରେ ଉତ୍ତର ଓଡିଶା ଉପକୂଳ ଜିଲ୍ଲା ଗୁଡିକରେ ଆସନ୍ତା ୯ ତାରିଖରୁ ବର୍ଷା ହେବ ବୋଲି ପାଣିପାଗ ବିଭାଗ ପକ୍ଷରୁ ସୂଚନା ଦିଆଯାଇଛି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
