କଟକ: ଓଡ଼ିଶା ପୋଲିସର ଡିଜିପି ଭାବରେ ଦାୟିତ୍ୱ ନେଲେ ଅରୁଣ କୁମାର ଷଡ଼ଙ୍ଗୀ । ରାଜ୍ୟ ପୋଲିସ ମୁଖ୍ୟାଳୟରେ ଡିଜିପି ଭାବରେ ଦାୟିତ୍ୱ ଗ୍ରହଣ କରିଛନ୍ତି ୧୯୯୦ ବ୍ୟାଚର ଆଇପିଏସ ଅଫିସର ଅରୁଣ କୁମାର ଷଡ଼ଙ୍ଗୀ । ବିଧିବଦ୍ଧ ଭାବରେ ସୁନୀଲ କୁମାର ଵଂଶଲଙ୍କ କାର୍ଯ୍ୟକାଳ ସରିବା ପରେ ବରିଷ୍ଠ ଆଇପିଏସ ଅଧିକାରୀ ଅରୁଣ ନୂତନ ଅତରିକ୍ତ ରାଜ୍ୟ ପୋଲିସ ମୁଖିଆ ଭାବରେ ଦାୟିତ୍ୱ ଗ୍ରହଣ କରିଛନ୍ତି । ତେବେ ଅତିରିକ୍ତ ଭାବରେ ସେ ଏହି ଦାୟିତ୍ୱ ତୁଲାଇବେ ।
ତେବେ ପୂର୍ବରୁ ବିଜୁ ପଟ୍ଟନାୟକ ପୋଲିସ ଏକାଡେମୀର ନିର୍ଦ୍ଦେଶକ ରହିଥିଲେ ଅରୁଣ । ଆଜି ପୋଲିସ ଡିଜି ସୁନୀଲ ବଂଶଲଙ୍କ କାର୍ଯ୍ୟକାଳ ଶେଷ ହୋଇଛି । ନୂଆବର୍ଷର ଗୋଟିଏ ଦିନ ପୂର୍ବରୁ ଅର୍ଥାତ ରବିବାର ଓଡିଶା ପୋଲିସ ମୂଖିଆ ବା ଡିଜିପି ଭାବେ ଅତିରିକ୍ତ ଦାୟିତ୍ୱ ନେଇଛନ୍ତି ବରିଷ୍ଠ ଆଇପିଏସ ଅଧିକାରୀ ଅରୁଣ ଷଢଙ୍ଗୀ । ଏନେଇ ଶନିବାର ରାଜ୍ଯ ସରକାରଙ୍କ ଗୃହ ବିଭାଗର ବିଜ୍ଞପ୍ତି ପ୍ରକାଶ ପାଇଥିଲା । ବିପିଏସପିଏର ନିର୍ଦ୍ଦେଶକ ସହ ପୋଲିସ ବିଭାଗର ମୂଖ୍ଯ ଭାବେ କାର୍ଯ୍ଯ କରିବେ ଅରୁଣ । ତେବେ ସୁନୀଲ ବଂଶଲଙ୍କ ପରେ ପରବର୍ତ୍ତି ଡିଜି ନିମନ୍ତେ ସାତ ଜଣ ବରିଷ୍ଠ ଆଇପିଏସଙ୍କ ନାମ ତାଲିକା ୟୁପିଏସସିକୁ ପ୍ରଦାନ କରିଥିଲେ ରାଜ୍ଯ ସରକାର । ସେଥି ମଧ୍ଯରୁ ଅଧିକାଂଶ ଆଇପିଏସ ଅଧିକାରୀ ୟୁପିଏସସିର ସର୍ତ୍ତାବଳୀ ପୂରଣ କରି ପାରିନଥିଲେ । ସେପଟେ ୟୁପିଏସସିର ମଧ୍ଯ ବୈଠକ ବସି ନଥିବାରୁ ରାଜ୍ଯର ପରବର୍ତ୍ତୀ ଡିଜିପି ଭାବେ ଅତିରିକ୍ତ ଦାୟିତ୍ବ ତୁଲାଇବେ ଅରୁଣ କୁମାର ଷଢଙ୍ଗୀ ।
ଏହା ମଧ୍ୟ ପଢ଼ନ୍ତୁ......ଅରୁଣ ଷଡ଼ଙ୍ଗୀ ହେଲେ ଇନଚାର୍ଜ ପୋଲିସ ଡିଜି,କାଲି ସରିବ ବଂଶଲଙ୍କ କାର୍ଯ୍ୟକାଳ
ତେବେ ନୂତନ ଡିଜି ଅରୁଣ କୁମାର ଷଡ଼ଙ୍ଗୀ କହିଛନ୍ତି, "ଓଡ଼ିଶା ପୋଲିସର ଏକ ଗାରିମା ଅଛି । ଗତ କିଛି ବର୍ଷ ମଧ୍ୟରେ ମାଓ ଦମନ ଓ ସାଇବର କ୍ରାଇମ୍ ରୋକିବା ଦିଗରେ ଓଡ଼ିଶା ପୋଲିସ ଅନେକ ମାତ୍ରାରେ ସଫଳ ହୋଇଛି । ରାଜ୍ୟରେ ଅପରାଧ ନିୟନ୍ତ୍ରଣ ଓ ପୋଲିସକୁ ସଶକ୍ତ କରିବା ପାଇଁ ରାଜ୍ୟ ମୁଖ୍ୟମନ୍ତ୍ରୀ ସବୁ ପ୍ରକାର ସହଯୋଗ କରିଆସୁଛନ୍ତି । ଆଗକୁ ମଧ୍ୟ ରାଜ୍ୟବାସୀଙ୍କୁ ରାଜ୍ୟ ପୋଲିସ ପକ୍ଷରୁ ଗୁଣାତ୍ମକ ସେବା ଯୋଗାଇ ଦେବାକୁ ଚେଷ୍ଟା ଜାରି ରହିବ । ମୋତେ ଅତିରିକ୍ତ ଦାୟୁତ୍ବ ଦିଆଯାଇଛି । ଏହି ସମୟ ମଧ୍ୟରେ ଅଫିସରଙ୍କ ସହଯୋଗରେ ମୋର ଦାୟିତ୍ୱ ନିର୍ବାହ କରିବି । ଏହାସହ ଅପରାଧ ନିରାକରଣ, ଅପରାଧ ଅନୁସନ୍ଧାନ ଓ ଆଇନ ଶୃଙ୍ଖଳାରେ ଯେଭଳି କିଛି ଉଦାସିନତା ଦେଖା ନଦିଏ ଏବଂ ଲୋକଙ୍କୁ ଏକ ଗୁଣାତ୍ମକ ପୋଲିସ ସେବା ଦେବା ପାଇଁ ଯେଭଳି ସମସ୍ତ ପୋଲିସ କର୍ମଚାରୀ ଚେଷ୍ଟା କରିବେ ସେଥିପ୍ରତି ଧ୍ୟାନ ଦେବି ।"
ଇଟିଭି ଭାରତ, କଟକ
