କଟକ: ମହାନଦୀର ବିସ୍ତୀର୍ଣ୍ଣ ଜଳରାଶିରେ ଫ୍ଲୋଟିଂ ରେସ୍ତାେରାଁର ମଜା ନେବେ ପର୍ଯ୍ୟଟକ । ଓ୍ବାଟର ସ୍ପୋର୍ଟସ ସିଂପ୍ଲେଲ ଏବଂ ଓ.ଟି.ଡି.ସିର ମିଳିତ ଆନୁକୂଲ୍ୟରେ ମହାନଦୀରେ ଆଜି(ରବିବାର) ଉଦଘାଟନ ହେଲା ଦ୍ଵିତୀୟ ଭାସମାନ ତିରିଶ ସଂଖ୍ୟା ବିଶିଷ୍ଟ ରେଷ୍ଟୁରାଣ୍ଟ । ପୂର୍ବରୁ ଗୋଟିଏ ୮ ଟିକିଆ ସିଟ ବିଶିଷ୍ଟ ଭାସମାନ ରେସ୍ତାେରାଁ ବହୁଳ ଆଦୃତ ହେବା ପରେ ଏହି ଭାସମାନ ରେସ୍ତାେରାଁର ପରିକଳ୍ପନା କରାଯାଇଛି । କଟକ ଅତିରିକ୍ତ ଜିଲ୍ଲାପାଳ ବିଜୟ କୁମାର ଖଣ୍ଡାୟତରାୟଙ୍କ ଦ୍ଵାରା ଉଦଘାଟିତ ହୋଇଛି ଏହି ଫ୍ଲୋଟିଂ ରେସ୍ତାେରାଁ ।
ମହାନଦୀରେ ବୋଟିଂ ତା’ପରେ ପୁଣି ବିସ୍ତୀର୍ଣ୍ଣ ମହାନଦୀର ଜଳରାଶି ଭିତରେ ବିଭିନ୍ନ ସୁସ୍ଵାଦ ଖାଦ୍ୟର ମଜା। ଏହି ରେସ୍ତାେରାଁରେ ଜଣେ ଗୋଟିଏ ଟେବୁଲକୁ ଏକ ଘଣ୍ଟା ପାଇଁ ଦେବାକୁ ପଡିବ 1200 ଟଙ୍କା । ସେଇଭଳି ପୁରା 30 ସିଟର ରେସ୍ତାେରାଁ ପାଇଁ 2 ଘଣ୍ଟାରେ ଦେବାକୁ ପଡିବ 10,000 ଟଙ୍କା । ଯଦି ଆପଣ ଦିନ 10ଟା 30ରୁ ଦିନ 3ଟା 30 ପର୍ଯ୍ୟନ୍ତ ରେସ୍ତାେରାଁର ମଜା ନେବେ ତାହାଲେ 20,000 ଟଙ୍କା ଦେବାକୁ ପଡିବ । ସେଇଭଳି ଦିନ 4 ଟା30 ରୁ ରାତି 9ଟା 30 ପର୍ଯ୍ୟନ୍ତ ପୁରା ରେସ୍ତାେରାଁକୁ ମଧ୍ୟ 20,000 ଦେବାକୁ ପଡିବ । ପୁରା ଦିନ ଓ ପୁରା ରେସ୍ତାେରାଁ ପାଇଁ ଦେବାକୁ ପଡିବ 37,000 ଟଙ୍କା । ଜନ୍ମଦିନ, ଆନିଭରସରୀ ତଥା ବିଭିନ୍ନ ପାର୍ଟି ପାଇଁ ଏଥିରେ ହୋଇଛି ବିଶେଷ ବ୍ୟବସ୍ଥା ।
ଇଟିଭି ଭାରତ, କଟକ
